amalinks wokungena

Breaking News

Amabandla Ezombusazwe Amanyana Ekunanzeni Ilanga Likazibuse


EleZimbabwe linanza iminyaka angamatshumi amathathu lithole uzibuse ngeSonto, amabandla akuhulumende womanyano ekhuthaza ukubambana phakathi kwabasekeli bawo.

Inkulungwane lenkulungwanwe zabantu zikhangelelwe ukubuthana enkundleni yeNational Sports Stadium eHarare zithakazelela lelilanga lapho uMongameli Robert Mugabe azakhuluma khona.

Iziphathamandla zamacele womabili eMDC zizaphatheka lazo kulumkhosi. Imikhosi efanayo izaqhutshelwa ezigabeni ezitshiyeneyo zelizwe.

Ikomidi eqoqa umkhosi weHarare ithi akumelanga abantu bagqoke imvunulo eveza sobala ukuthi ngabawaphi amabandla. Ithi njalo akumelanga kuhlatshelwe ingoma zezombusazwe kumbe ama slogans.

Isiphathamandla seZANU-PF uMnu Patrick Chinamasa uthi uzulu kumele emanyane ekuthakazeleleni ilanga likazibuse kungelani lokuthi ngowaliphi ibandla. Imbiko le yethulwe njalo yiziphathamandla zamacele womabili eMDC. Isikhulumeli sebandla leZapu uMnu Methuseli Moyo laye wethule amazwi afanayo.

‚Äč
XS
SM
MD
LG