amalinks wokungena

Breaking News

Amabandla Ezombusazwe Asola Uhlelo Lokugejwa Kwamangcwaba


Amabandla ezombusazwe agoqela amacele womabili eMDC leZapu asesole iZanu PF esithi isebenzisa uhlelo lokugejwa kwamathambo abantu ababulawa libutho likaMnu Ian Smith ngesikhathi sempi yenkululeko, ukudinga usekelo.

Uhlelo lolu luqale eMT Darwin kumaviki asanda kwedlula, lukhokhelwa yinhlanganiso yeFallen Heroes of Zimbabwe Trust incedisana labasekeli beZanu PF.

AbeMDC leZapu laba bathi bonke abezombusazwe, abenhlanganiso ezizimeleyo lozulu nje makhaza kumele baphatheke kuloluhlelo nxa kungekho okufihlwayo.

Abaqhuba loluhlelo bathi bejonge ukungcwaba ngenhlonipho izidumbu ezazijikelwa emangcwabeni amakhulu libutho leRhodesia.

Kodwa isikhulumeli seZapu uMnu Methuseli Moyo uthi injongo yohlelo lolu ngeyokudingela iZanu PF usekelo.

XS
SM
MD
LG