amalinks wokungena

Breaking News

'Amabutho Adlwengula Njalo Abulala Abantu Abanengi Ekugenquleni uMugabe'


Owayengumphathintambo wezemfundo yaphezulu kuhulumende kaMnu Robert Mugabe, uMnu Jonathan Moyo uthi kulabantu abanengi ababulawe libutho nyakenye ekugenqulweni kombuso kaMugabe.

UMoyo uthi abantu laba bagoqela isiphathamandla sogatsha lwabacuphi olweCentral Interlligence Organization (CIO) uMnu Peter Munetsi.

Eloba enkundleni yeTwitter uMoyo wengeze wathi abanye bandlwengulwa kwathi abanye bahlukuluzwa kabuhlungu ngamabutho.

UMnu Moyo ngomunye wabasekeli bakaMugabe ababekucele elalilwisana lelikaMongameli Emmerson Mnangagwa eleG40, ababaleke elizweni njalo abadingwa ngamabutho.

Amazwi kaMoyo aza ngesikhathi umeli weMatabeleland South edale lephalamende uNkosikazi Priscilla Misihairabwi-Mushonga esithi uMnangagwa kumele ebizwe ephalamende ayechasisa ngezehlakalo ezenzakala ngesikhathi ibutho lihluthunela uMugabe intambo zombuso.

Uthi kumele uMnangagwa ephumele egcekeni etsho ukuthi bangaki abantu ababulawayo nxa bekhona.

Asenelisanga ukuxhumana leziphathamandla zikahulumende kumbe ezebutho ngaloludaba.

Kodwa ingcwethi ecubungula ezombusazwe uMnu Dinizulu Macaphulana utshele iStudio 7 ukuthi kawathandabuzi amazwi kaMoyo.

please wait

No media source currently available

0:00 0:03:11 0:00

Facebook Forum

XS
SM
MD
LG