amalinks wokungena

Breaking News

'Amaby-elections Kenziwe Kulandelwa Iziqondiso Zokwenqabela iCovid-19'


UMnu Nelson Chamisa loMongameli Emmerson Mnangagwa

Inhlanganiso ezizimeleyo zithi ukhetho lokugcwalisa izikhala edale lephalamende lakumakhansili olwamaby-elections kumele lwenziwe ngoba ukumiswa kwalo nguhulumende akukho emthethweni.

Kumbiko eziwethule izolo, inhlanganiso ezingamatshumi amabili lasithupha (26) zithe ukumiswa kokhetho lolu yikwephula ilungelo lokuthi abantu bakhethe abameli babo.

Uhulumende wazise kunsukwana ezedluleyo ukuthi ukhetho obelumele lwenziwe mhlaka 5 ngoMpalakazi aluseyikwenziwa ngenxa yomkhuhlane weCovid-19.

Kodwa inhlanganiso lezi zithi kumele ukhetho lwenziwe.

Zithi uhulumende kumele akhulumisane labanye kuvunyelwane phezu kweziqondiso ezizalandelwa nxa abantu bevota ukuze kwenqatshelwe ukumemetheka kwalumkhuhlane.

Inhlanganiso lezi zigoqela iZimbabwe Peace Project, iHabakkuk Trust, Election Resource Center, iWomen’s Coalition of Zimbabwe, iZCTU lezinye ezitshiyeneyo.

Unobhala jikelele weZCTU uMnu Japhet Moyo utshele iStudio 7 ukuthi uhulumende kumele alandele umzekeliso wamanye amazwe aseke aqhuba ukhetho ngalesisikhathi seCoronavirus.

please wait

No media source currently available

0:00 0:02:26 0:00

Ibandla leZanu PF liyakulandula ukuthi yilo elivimbe lolukhetho.

Facebook Forum

XS
SM
MD
LG