amalinks wokungena

Breaking News

Kuxokozele Okumangalisayo koBulawayo Ukhansila Efuna Ukuthatha Isifungo NgeSiShona


Umabhalani wedolobho lako Bulawayo uMnu. Christopher Dube.

Kubelokuxokozela koBulawayo ngoLwesihlanu ngesikhathi kugcotshwa amakhansila amatsha kulandela ukwala komunye wabo ukuthi akhulume iSilungu ngesikhathi egcotshwa ngumabhalane wekhansili.

Uzulu uthukuthele ngokwenziwe ngukhansila wakoBulawayo.
Uzulu uthukuthele ngokwenziwe ngukhansila wakoBulawayo.

UMnu. Arnold Batirai, owakhethwa ukuthi amele iWard 24 engaphansi komanyano weMDC Alliancce, ukhethe ukuthi afungiswe ngeSiShona kulokuthi akhulume ngeSilungu.

Lokhu kuvuse ulaka kulabo abakade bezofakaza ukugcotshwa kwakhe abaphose bamtshaya.

UBatirai utshele abantu ukuthi ulelungelo lokuthi afunge ngolimi lukanina.

Ilizwe leZimbabwe lilendimi ezilitshumi lasithupha ezisetshenziswa okusemthethweni.

Abantu abakade besendaweni lapho okufungiswe khona amakhansila.
Abantu abakade besendaweni lapho okufungiswe khona amakhansila.

Kusenjalo, abanye abantu abakunhlanganiso yezakhamizi eyeBulawayo Progressive Residents Association, batshengisele eCity Hall bekhonona ngemizamo yamanye amakhansila abefuna kugcotshwe umuntu okhuluma isiShona.

Umqoqi wenhlelo kunhlanganiso le, uMnu. Ambrose Sibindi, uthe uyajabula ukuthi kulabantu abanengi abasekele lokhu abakade belwisana lakho.

"Siyabonga ukuba uBulawayo ubuyile kodwa abantu bacacile ukuthi uMayor lomsekeli wakhe ngosuka kulesisiaba yikho izakhamizi zigcwele lapha zitshengisela.”

Isakhamuzi sakoBulawayo, uNkosikazi Sikhangezile Mlotshwa osuka kuWard 25, ukhale ngokuthi okwenzakale eCity Hall akubaphathanga kahle.

Amakhansila angamatshumi amabili lasifica munwe munye afungiswe ngumabhalane wedolobho leli, uMnu. Christopher Dube.

Amakhansila afungiswe ngunobhala wedolobho lakoBulawayo.
Amakhansila afungiswe ngunobhala wedolobho lakoBulawayo.

"Amakhansila asegcotshiwe yikho esikwenze lamuhla, kodwa uMayor lomsekeli wakhe sizabakhetha kumhlangano wokuqala kuviki ezayo.”

Uqhubeke esithi ngeviki ezayo yikho abazakhetha khona amakhomithi ngemva kokukhetha lokugcoba uMayor wakoBulawayo.

"Ngemva kokukhetha uMayor kumhlangano wethu wakuqala kuviki ezayo, sizakuma njalo mbijana sithi sesikhetha amakhomithi ayiwo azabona ngokusebenza kukaBulawayo.”

UKhansila Mzamo Dube, ohlala kuWard 25 eNketa, usole umsindo owenzakale eCity Hall esithi bakhangelele intuthuko yakoBulawayo.

"Sesigcotshiwe kodwa umsindo asiwujwayelanga sikhangelele inguquko yakoBulawayo ukuze impilo yabantu ithuthuke.”

UKhansila weWard 17 ePumula, uSikhulilekile Moyo, uthe bazimisele ukumele abantu bakoBulawayo.

"Siyabonga ukuba uBulawayo usamukele siyazehlisa kuBulawayo, sizasebenza sesizimisele ukusebenza.”

please wait

No media source currently available

0:00 0:03:40 0:00

Facebook Forum

XS
SM
MD
LG