amalinks wokungena

Bayaphumelela Abesifazana Abatshayelana Imali

  • Mavis Gama

Abanye bathenga imbuzi ngohlelo lokutshayelana imali.

Bayaziqhenya abesifazane esigabeni seMguza esabelweni seMatabeleland North asebe senelisa ukuzithengela impahla ebiza bona ngenxa yohlelo lokulondoloza imali olwekilabhu yokutshayelana imali maviki wonke.

Omunye wabomama abaphatheke emsebenzini yokuzithuthukisa nguNkosikazi Lionah Ndimande wase Makwati kuVillage 5.

UNkosikazi Ndimande uleminyaka engamatshumi amahlanu lasithupha (56) yokuzalwa njalo yena ulilunga lekhilabhu yeKwaedza Savings Group.

Uthi sokwaba lenguquko emuzini wakhe kulandela uhlelo lokusebenza ndawonye lamanye amakhosikazi.

Uthi ukuba lilunga lekhilabhu yemali solwenza ukuthi enelise ukuthenga imbuzi lokwakha lesambuzi ngemali ayithola ekulimeni ingadi kuzalwa yilokhu kutshayelana imali.

Ngaphandle kokutshayelana imali njengeqembu, uNkosikazi Ndimande uthi ukuhlangana kwabo sOkubaphathise kakhulu ekutheni benelise lokukhulumisana ngezempilakahle, lokwenelisa ukuxoxisana labantwababo ngendaba ebezikhangelwa endulo njengezizilayo ukukhulumisana ngazo njengezakhamizi.

UNkosikazi Catherine Sithole, oleminyaka engamatshumi amahlanu lasikhombisa (57), ngomunye njalo wasebethuthukiswe yikuphatheka kuhlelo lokutshayelana imali, ekwelediswa amalunga ukuqhuba imisebenzi ebalethela inzuzo.

Uthi isiguqukile kakhulu impilo yakhe uNkosikazi Sithole lemmuli yakhe ngoba usesenelisa laye ukuzimela njengowesifazane osevuleke amehlo.

Abesifazane laba bathi bafisa ukuthi ngabe batholiswa usizo lwemali ethe xaxa, baqhelise amabhizimusi abo amancane, akhule aze abe ngamakhulu benelise labo ukuqhatsha abanye omama labasakhulayo ababhekane lodubo lokusilela kwemisebenzi.

Inengi labo baqala ngokutshayelana ama dollar ngeviki, kube yimali abazophisana ukuyibolekana njengamalunga ukuthi ayisebenzise ekuqhubeni amabhizimusi abo, ithi lapho isiphenduka, ibe isizele okungumthelo okuncane okubizwa ngesilungu ngokuthi yi-interest.

Facebook Forum

XS
SM
MD
LG