amalinks wokungena

Breaking News

Women's Trust: Amantombazana Emakholitshini Asengozini yeHIV


women graduant
Amantombazana akuleli asemakolitshini lemaunivesithi asengozini ephezulu yokuthelelwa igcikwane lengculaza ele HIV ngenxa yokuziphatha okungalunganga ikakhulu ngenxa yokuswela imali. Lokhu kuvele ekucubungulweni okwenziwe zinhlanganiso ezizimele zodwa.

Ukucubungula lokhu okukhokhelwe yinhlanganiso yeWomen’s Trust kanye lenhlanganiso yabafundi eyeStudent Solidarity Trust kukhangele abafundi abazinkulungwane ezinhlanu emakolitshini lemaunivesithi alitshumi lambili elizweni.

Impumela iveze ukuthi inengi lamantombazana la alilalwazi ngengculaza kanye lendlela zokuvikela ukuzithwala.

Phakathi kwamantombazana la phezu nje kwamatshumi amathathu ekhulwini – 32% liya emacansini lingavikelanga kuthi phose amatshumi amathathu ekhulwini –28%, alisebenzisi lutho ukuvikela ukubamba izisu.

ISST ithi lanxa ukumemetheka kwengculaza kusehla elizweni, abafundi ababesemakolitshini phakathi kweminyaka ka2000 kusiya ku 2010 bayaphela ngenxa yegcikwane abalithola besafunda bezama ukuziphilisa.

Lokhu kubikwa kuzakuqhubeka lemakolitshini lamhla lapho indleko zokufunda lokuziphilisa zilokhu ziqonga, zitshiya inengi lamantombazana lisebenzisa ukuya emacansini ukuthi liphile.

Kubika intathelizindaba yeStudio 7 uNothando Sibanda osipha loludaba ngokugcweleyo ekoBulawayo.

please wait

No media source currently available

0:00 0:04:42 0:00
Lapho esitholakala khona
XS
SM
MD
LG