amalinks wokungena

UBulawayo Usungula Ihlandla Lesibili Lohlelo Lokuhlambulula Amanzi Asuka Ezambuzini


Isibanga sesibili sokuhlambulula amanzi aphuma ezambuzini koBulawayo

Eminyakeni edluleyo ikhansili ibihlawula imali enengi yokulahla mahlayana amanzi angcolileyo ikakhulu lawo aphuma ezambuzini, ngoba ezinye impompi ezithwala ingcekeza sezizindala Isikhulumi seKhansili yakoBulawayo uNkosazana Nesisa Mpofu uveze lokhu kusehlakalo sokubonisa intathelizindaba labohlangothi lweEnvironmental Management Authority esibangeni asebefike khona ngalumsebenzi.

UManjinela weKhansili uMnumzana Sedrick Masuku uthi ngaphandle kokulungisa imitshina yokuhlamba amanzi angcolileyo, lempompi ezithwala lamanzi zindala sebezikhupha befaka ezintsha lomanje izulu elinengi elanayo libaphazamise ukufeza lumsebenzi masinya.

Ngemnva kokuyabona impompi ezilungiswayo eUmguza intathelizindaba zidlule ziboniswa inqwaba yezibi ezilahlwa mahlayana yizakhamizi zelokitshi leMakokoba laloba ikhansili ibutha izibi maviki onke.

Izibi ezilahlwa mahlayana emzini weMakokoba koBulawayo
Izibi ezilahlwa mahlayana emzini weMakokoba koBulawayo

Isakhamuzi seMakokoba esibona ngokuhlanzeka uMnunzana Raymond Gombeza uthe kuyabacasula ukuba abantu balahla izibi yonke indawo.

UMqondisi weEMA koBulawayo, uMnunzana Discent Ndlovu uthe lihle inyathelo elithethwe yikhansili nomanje edaniswa yizakhamizi ezilahla izibi mahlayana.

Impompi ezinengi ezithwala ingcekeza koBulawayo zafakwa ngesikhathi sombuso wabahuquluzi benotho abamhlophe esezizindala njalo sezidlekile sekudingeka ukuba kufakwe ezintsha. lzifudlana ezinengi koBulawayo zigijima amanzi engcekeza ngoba impompi ezinengi sesabhoboka sezichitha amanzi engcekeza indawana yonke.

Facebook Forum

XS
SM
MD
LG