amalinks wokungena

Breaking News

Amapholisa: Abalolwazi Ngokunyamalala kukaDzamara Izani Phambili


Amapholisa athi acela abantu abangaba lolwazi ngokunyamalala kowayekhankasela umbuso okhululekileyo eZimbabwe uMnu Itai Dzamara ukuthi baze phambili bewazise.

UMnu Dzamara uthunjwe ngabantu abacatshangelwa ukuthi ngabebutho kumbe abacuphi (CIO) ngo2015 eHarare.

Embikweni awethule ngoMvulo, amapholisa athe abangaba lolwazi kumele bewatshayele ucingo kunombolo ezithi 251505 kumbe 753411. Inombolo lezi ngeze-landline; icode yeHarare ngu4.

Umbiko lo uza ngesikhathi eleMelika lisanda kwethula izimiso elithi kumele zilandelwe ngeleZimbabwe ukuze ubudlelwano phakathi kwamazwe womabili bulungisiswe.

Iziqondiso lezi zigoqela esokuthi uhulumende waseZimbabwe kumele edinge abantu abanyamalala ngezizatho zombusazwe abafana loMnu Paul Chizezu, uMnu Patrick Nabanyama kanye laye uDzamara.

Umnewabo kaItai, uPatson, eloba enkundleni yeTwitter uthe nxa kuyikuthi uhulumende wambulala umfowabo kumele ebaphe nje amathambo akhe bewangcwabe.

Owayesebenza loItai emkhankasweni wabo wokutshengisela besithi uMnu Robert Mugabe kumele esuke embusweni, uMnu Charles Nyoni uthe ngabe amapholisa azimisele mpela ngabe kudala abakwazi ukuthi kuyini okwenzakalayo kuDzamara.

please wait

No media source currently available

0:00 0:02:53 0:00

Ingcwethi kwezombusazwe uDr. Nkululeko Sibanda utshele iStudio 7 ukuthi umbiko weMelika yiwo osubangele ukuthi uhulumende kaMongameli Emmerson Mnangagwa etatazele.

please wait

No media source currently available

0:00 0:03:35 0:00

Facebook Forum

XS
SM
MD
LG