amalinks wokungena

Breaking News

Amapholisa Abamba Uzulu Ngamandla Ukubhadala Imithelo YeZBC


Uzulu sekhonone ngokuhlukuluzwa lokubanjwa ngamandla ngamapholisa ukuthi ehlawule imithelo yamawayilesi labomabonakude kunkampani yeZBC njalo inengi selihanjiswe emithethwandaba phezu kwaloludaba.

Imuli eleradio letelevision kumele ibhadale amadola angamatshumi amahlanu, kuthi abalamaradio ezimoteni kumele babhadale amadola angamatshumi amathathu.

Abayabe behluleke ukubhadala limali ngesikhathi abasinikiweyo, babanjwa ngamandla ukuthi beyibhadale isiphethwe kabili.

Inengi lithi alifuni kuhlawulela imithelo le ngoba lingalaleli kumbe ukubukela imisakazo yeZBC. Abanengi kulezinsuku babukela imisakazo efana leSabc kuma-satelite dish.

Udaba lokuhlukuluzwa kwabantu lolu ngolunye olukhulunywe ngalo emhlanganweni weMedia Lawyers Network oqhutshelwe eMasvingo ngempelaviki.

Amagqwetha la, wona avame ukusebenza leMisa ekukhankaseleni ukwethulwa kwemibiko ngokukhululekileyo, athi azakhweza loludaba emthethwandaba ephikisa umthetho weBroadcasting Services Act wona othi wonke umuntu oleTV kumbe iradio kumele abhadale imithelo yeZBC.

Athi abantu abanengi emaphandleni abenelisi ukuthola amagagasi eZBC, kodwa labo babanjwa ngamandla ukuthi babhadale imithelo.

XS
SM
MD
LG