amalinks wokungena

Breaking News

Amapholisa Abhagxabula Abebandla leMDC eHarare Belinde Ukuzwa Umbiko oweHope of the Nation Address


Amapholisa ebhagxabula abeMDC eHarare

Amapholisa ohlangothi lwe Riot abe hlome ngendlela ezehlukeneyo abhaxabule abalandeli beMDC ekhokhelwa nguMnu. Nelson Chamisa esigodlweni saleli bandla eseHarvest House, eHarare, ngesikhathi belinde ukuzwa umbiko oqakathekileyo, obekumele wethulwe ngumkhokheli wabo phezu kwesimo somnotho elizweni, owe Hope of the Nation Address - HONA.

Omunye wabatshayiwe kodwa ongathandanga ukubethwa ngegama osengugogo oleminyaka engamatshumi ayisikhombisa lane ulandisa ngokumehleleyo.

Usola uhulumende kaMnangagwa ugogo amchaze njengongelandaba lezikhalazo zikazulu.

Ingwethi kwezombusazwe labalwela ukulondolozwa kwelungelo loluntu basole kakhulu okwenziwe ngamapholisa abhaxabule alimaza abantu abalelungelo lokubuthana belalela umkhokheli wabo bengaphatheki kudlakela.

Omunye walezingcwethi kungumqondisi we Media Centre umnumzana Ernest Mudzengi.

Okuyinto esekelwe ngomunye wabaphatheke kumikhankaso yokulwela ilungelo loluntu umnumzana Charles Nyoni.

Osekusenzakala u Nyoni uthi kungayisikho okukhangelwe nguzulu weZimbabwe.

Omunye wabasekeli bomkhokheli we MDC, umnumzana Tendai Biti uthi kulusizi okubehleleyo lokhu njengebandla.

Lanxa engasalitholanga ithuba lokukhulumisana labalandeli bakhe sebetshaywe ngamapholisa basabalala bebaleka, uChamisa utshele intathelizindaba ukuba laye umangaliswe yikwenza kwamapholisa ngesikhathi umbuso kaMnangagwa uzithi ngozimisele ukusebenzisana lokulalela wonke umuntu.

Umkhokheli webandla eliphikisayo eleMDC, uMnu. Nelson Chamisa
Umkhokheli webandla eliphikisayo eleMDC, uMnu. Nelson Chamisa


Amapholisa wona alile ukukhulumisana lalumsakazo ngokutshaywa kwabeMDC namhlanje eHarare.

Kulimele abambalwa kusehlakalo sanamhlanje abagoqela ummeli we Glenview edale lephalamende uMnu. Vincent Tsvangirai, indodana kamuyi uMnu. Morgan Tsvangirai, umkhokheli wakuqala weMDC ibunjwa, intathelizindaba ethatha imifanekiso esebenzela inhlanganiso eye AFP, uJekesai Njikizana, esinye isiphathamandla sebandla, umnumzana Henry Chimbiri labanye abambalwa ababalisa ingane eleminyaka emibili.

Lanxa amapholisa abe lokhe enyakazela eHarvest House -Morgan Tsvangirayi House, abasekeli baqhubeke behlabela.

please wait

No media source currently available

0:00 0:04:49 0:00

Facebook Forum

XS
SM
MD
LG