amalinks wokungena

Breaking News

Amapholisa Abhaxabula Amalunga eWoza

  • Ntungamili Nkomo

Amapholisa akoBulawayo ngoLwesine abhaxabule amalunga enhlanganiso yeWomen of Zimbabwe Arise ngesikhathi etshengisela enanza ilanga leValentines Day.

Amalunga alinhlanganiso ebetshengisela njalo esola ucuku lwamapholisa.

IWoza ithi kubotshwe amalunga ayo phose angamakhulu amabili, kodwa amanengi akhululwe ngemva kokutshaywa kakubi kwasala alitshumi lambili evalelwe eBulawayo Central.

Inhlanganiso le itshengisele njalo eHarare ngoLwesithathu. IWoza ihlezi itshengisela isola uhulumende ngokungananzi amalungelo oluntu.

Inkokheli yalinhlanganiso egoqela uNkosazana Magodonga Mahlangu loNkosikazi Jenny Williams sebebotshe kanengi njalo batshaywa bephakathi kokutshengisela.

UNkosazana Mahlangu, ongomunye walabo ababotshwe ngoLwesine usole kakhulu isenzo samapholisa.
XS
SM
MD
LG