amalinks wokungena

Breaking News

Amapholisa Abopha uPromise Mkawnanzi weTajamuka-Sesijikile


Kubotshwa uPromise Mkwananzi weTajamuka Ekhuluma Lentathelizindaba
please wait

No media source currently available

0:00 0:00:23 0:00

Kubotshwa uPromise Mkwananzi weTajamuka Ekhuluma Lentathelizindaba

Amapholisa abehlome ephelele ngezikhali ezinjenge nduku lemibhobho ekhafula intuthu ehitshayo angena ngodlame eMedia Centre e Harare abopha umkhokheli wenhlanganiso yeTajamuka/Sesijikile Campaign, uMnu. Promise Mkwananzi.

UMkwananzi ubotshwe ekhuluma lentathelizindaba ngokubotshwa kwabaphila ngokuthengisa emigwaqweni eHarare.

Ubetshele intathelizindaba ukuthi uyadingwa ngamapholisa kulandela ukulwisana phakathi kwamapholisa labathengisa emigwaqweni ngoLwesine.

… Amapholisa angifonele, atshaye ucingo esithi afuna ukukhulumisana lami ngesehlakalo esenzakale esigodlweni seHarare izolo (ngoLwesine). Ngabachasisela lami ukuthi hayi ngoLwesihlanu ma ngingabuya ngolweSihlanu ngiyakwazi ukuthi lizangivalela lingivumele ngeMonday, angisoze ngenelise ukwenza khonokho. Ngizabuya ngoMvulo ekuseni sengikhulume lamagqwetha ami …

“Angazi ukuthi bakhetheleni mina kodwa ngibona engani kulokokwenza lenhlanganiso engiyikhokhelayo iTajamuka eyaziwayo kakhulu ngomkhankaso wokutshengisela lento ezinjalo. Kodwa engifuna ukukutsho yikuthi ukutshengisela kwe Tajamuka isikhathi esinengi kwankhona kutshengiselwa ngokuthula. Senza okuthiwa ngeSilungu ngama Peaceful Demonstration …”

Uthi kuyadanisa kakhulu ukuthi kubotshwa abantu abazama ukuphandela imuli zabo impilo.

Engakathathwa ngamapholisa uMkhwananzi ubetshele umhlangano lentathelizindaba ukuba abenhlanganiso yakhe bafuna uhulumende ehlukane lendlela yokusebenzisa udlame kubantukazana akhulumisane lenhlangothi zonke ukwenzela ukudinga indlela zokulungisisa udaba lwabaphila ngokuthengisa laba, luqhitshwe kokuphela.

Kuthi inkokheli yeOrganizing4Zimbabwe ikhuthaze uhulumende ukuthi alungise konke okuhlupha abantu engakasusi abathengisa impahla emigwaqweni.

Umhlangano lo ungenwe yinkokheli yezifundi ekuhlanganiso yeZimbabwe National Students’ Union esole kekhulu ukukhahlanyezwa kwabathengisa impahla emigwaqweni.

Uhulumende uthi abantu laba bamemethekisa umkhuhlane wesihudo.

please wait

No media source currently available

0:00 0:03:50 0:00

Facebook Forum

XS
SM
MD
LG