amalinks wokungena

Breaking News

Amapholisa Athi uMaisiri Kabulawanga yiZanu PF

  • Ntungamili Nkomo

Amapholisa athi umlilo otshisele endlini indodana yesiphathamandla seMDC-T, ubangelwe yimvundiso ye-ammoniun nitrate lemithi yegwayi.

IMDC-T ithi umuyi uChristpowers Maisiri, obeyingane yesiphathamandla sayo, uMnu Shephered Maisiri, utshiselwe endlini ngabantu beZanu PF wafa ngeviki edluleyo.

Kodwa isikhulumeli samapholisa uNkosikazi Charity Charamba uthi akula bufakazi bokuthi indlu kaMaisiri ilumathiswe ngomlilo ngamalunga eZanu PF, esithi imithi le, ebisendlini umuyi akade elele kuyo, ingaba yiyo eqale lumlilo.

IMDC-T iyakwala lokhu, njalo iqina ngokuthi abasekeli beZanu PF yibo abalumathise umlilo otshise lindlu.

Ugatsha lweJomic lukhangelelwe ukwethekelela emzini kaMaisiri eHeadlands ngoLwesibili ukuyacubungula loludaba.

Ingcwethi ecubungula ezombusazwe njalo engumqondisi wenhlanganiso yomanyano wenhlanganiso ezizimeleyo eye National Association of Non-Govenmental Organisations-NANGO, uMnu Effie Dlela Ncube uthi akumangalisi ukuthi amapholisa avikele ibandla leZanu PF kuloludaba.

please wait

No media source currently available

0:00 0:02:27 0:00
Lapho esitholakala khona
XS
SM
MD
LG