amalinks wokungena

Breaking News

Amapholisa Axwayisa Indlamanzi Labamabhawa Abavulileyo Ukuthi Bazabotshwa


Zimbabwe Tumbling Economy

Kubhubhe abantu abahlanu ngeCovid-19 eZimbabwe ngoLwesibili njalo kwatholakala abangamatshumi ayisithupha lambili, 62, belomkhuhlane lo.

Lokhu kukhweze inani lasebebulewe yilumkhuhlane selokhe ufike kulelilizwe laya kunkulungwane elamakhulu amahlaanu alamatshumi ayisithupha lanhlanu, 1,565.

Asebetholakele belawo bakhwele baya kunkulungwane ezingamatshumi phose amane, 38,164.

Abahlatshwe ijekiseni yakuqala yokwenqabela lumkhuhlane izolo bazinkulungwane ezedlula ezilitshumi lasithupha, 16,842. Abahlatshwe eyesibili bazinkulungwane phose eziyisithupha, 5,847.

Asebehlatshwe ijekiseni yakuqala kuphela sebefike kunkulungwane ezingamakhulu amathathu alamatshumi edlula ayisikhombisa, 370,676.

Asebehlatshwe eyesibili njalo ingeyokucina bazinkulungwane ezingamatshumi edlula ayisithupha, 63,263.

Kusenjalo, amapholisa ethule umbiko ekhumbuza abanikazi bamabhawa kanye labanathayo ukuthi kulicala ukuvula indawo zokuzilibazisa lezi ezigoqela lapho okosiwa khona inyama njalo kunathwa utshwala, ama-bar kanye lamabeer halls.

Athi labo abazatholakala bebuthene kundawo lezi bazabotshwa bajeziswe ngoba beyabe bephule izimiso zokwenqabela iCovid-19.

Isikhulumeli senhlanganiso yeCitizens Covid-19 Monitor uMnu Effie Dlela Ncube utshele iStudio 7 ukuthi ngempela amapholisa kumele alondoleze iziqondiso lezi ukuze uzulu avikeleke.

please wait

No media source currently available

0:00 0:03:49 0:00

Facebook Forum

XS
SM
MD
LG