amalinks wokungena

Breaking News

Amapholisa Akwele Botswana Abopha Ababalisi beZimbabwe


Amapholisa aweBotswana

Kulababalisi abeZimbabwe abafika phose inkulungwane abafundisa, ikakhulu ezikolweni ezizimele zodwa kweleBotswana.

Ababalisi abanengi abeZimbabwe abafundisa kweleBotswana babhekane lelakusasa elimnyama ngemva kokuba amapholisa engene ezikolweni edinga abasebenza elizweni bengelamaphepha aqondileyo.

Amapholisa kanye labaku gatsha olubona ngezokuhlala lokusebenza kwabantu elizweni, olwe immigration, baphezu komkankanso wokubopha ababalisi bokuza abangalamaphepha okusebenza eBotswana.

Inengi eselibanjiwe ngababalisi abadabuka eZimbabwe. Kunje kusanda ukubotsha abedlula amatshumi amathathu ezikolweni ezinthathu zedolobheni leGaborone kuyonale iviki.

Omunye walaba babalisi uthi kuzabanzima ekuqaleni kwethemu elizayo kusitsho ukuthi bazabe sebesezi taladeni ngoba eleBotswana liqinisa imigoqo yokutholakala kwala maphepha okusebenza…

"Kuzabanzima kithi ngoba eZimbabwe akulandawo zokufindisa. Kutsho ukuthi sizaqala u2018 nzima, inengi lamatitsha kuma private schools kweleBotswana, ngelivela eZimbabwe."

Kodwa omunye oweZimbabwe, uthi akavumelani lenyathela lokubopha njalo bexotsha ababalisi beZimbabwe ezikolweni ezizimele zodwa, esithi inani eliphezulu labo, litshengisa ukuthi ulwazi lwabo luyadingakala…

"Ukuthi kulamatitshala amanengi awokuza kutshengisa ukuthi ulwazi lwabo luyadingakala. Abantu bayayibona umsebenzi, uhulumende weBotswana kumele abone ukuthi uyabasiza ngamaphepha. Kumele mhlawumbe kube lendlela abangancedisa ngayo amatitshala aweBotswana ukuthi labo bafike kusibanga saba balisi bokuza."

Umphathintambo obona ngezemisebenzi kweleBotswana, umnunzana Tshenolo Mabeo, utshele idale lephalamende ukuthi ugatsha lwakhe luhlala lukhangelisisa udaba lwababalisi bokuza abasebenza kweleBotswana.

Uthi inombolo zitshengisa ukuthi kulenani eliphezulu lababalisi abavela phandle, ikakhulu eZimbabwe.

Phakathi kwababalisi abazinkulungwane ezedlula kancane ezinthathu (3116) abasebenza ezikolweni ezizimele zodwa ezamaprivate schools, abadlula isilinganiso sokuyisikhombisa lanhlanu ekhulwini (75%), ngabokuza.

please wait

No media source currently available

0:00 0:02:03 0:00

Facebook Forum

XS
SM
MD
LG