amalinks wokungena

Breaking News

Amaqembu eAfrica Aboniswa Intuthu ku World Cup


Abadlali beqembu leSenegal

Izinto azimanga kuhle kumaqembu enguqu adabuka kuzwekazi leAfrica emdlalweni omkhulu wokubanga inkezo yomhlaba eyeFifa World Cup eyenzelwa eRusssia.

Izwekazi le Africa limelwe ngamazwe amahlanu kulimdlalo yomhlaba. KuleMorocco yona eyanqotshwa yiIran ngokukodwa eqandeni kumdlalo wayo wakuqala, iNigeria bayibhuqa ngokubili eqandeni yiCroatia, kukanti iTunisia bayilahla phansi 2 - 1 yiEngland.

Iqembu leEgypt lona elanqotshwa 1 ka nya yiUruguay kumdlalo walo wakuqala labuya labondwa yiRussia 3 - 1 kumdlalo walo wesibili osokukhombukuthi sokuzamele libuyele ekhaya.

Abafana beSenegal yibo bodwa abathe ngeke amazwe wonke eAfrica abhulwe kangaka. Yona ke iSenegal ibingqikilana lePoland izolo yanqoba 2 ka 1. Izizalwane zeZimbabwe ezihlala kweleBhilithane zithi uhambo lungaba lunzima kumaqembu ezwekaze le Africa kodwa abalahli mbeleko ngokukufelwa. Umnu Mike Sibanda ngomunye wabo

Kutsho uSibanda: “Amathimu eAfrica this time kuyalalisa kwaqala nge Nigeria leEgypt layo kuyala futhi lapha,kutshukuthi ithimu nje engani esesithembele kiyo yi Senegal le ewilnileyo namhla.Hayi ibhola leAfrika ingani alivumi sibili kanti kwenzenjani madoda.”

Omunye othanda ezenguqu njalo esekela amzwe eAfrica kulimidlalo nguNkosazana Gizzy Mpamigwa.

“I World Cup ihamba kahle but amateams eAfrica angidisaphoyintile but well kuyatholakala kodwa Senegal hayi idlalile shem siyayibongela then lawo amanye amathimu lawo ayadlala kodwa nje besi ngicabangela ukuthi wonke amathimu eAfrica azawina wonke,” kutsho uMpangiwa.

Ukunqoba kweSenegal kwenze uMnunzana Dumile Ncube wathaba wabamanzi te!

“Ngijabulile ukubona iSenegal iwina ngithokoze kakhulu kuyasijabulisa lathi eAfica ukubana silethimu ,silelizwe eliphuma eAfrica elinqobileyo kuWorld Cup. Siyafisa ukubana linqobe lisiyaphambili ngoba okwamanje sibona iEgypt itshona kuyasifanisa kodwa hayi iSenegal sijabulile,” kutsho uNcube.

Imidlalo le isaqhubeka kweleRussia, asomaqembu ezwekazi leAfrica wodwa ehluleka ukunqoba emdlalweni yakuqala, iqembu leBrazil ladlala utshiki lobhanqa 1 1 leSwitzerland, kukanti iSpain yangqikilana lePortugal kwaphela kuyi 3 ka 3 kuzokuthi iqembu elanqoba lathatha linkezo yomhlaba ngomnyaka ka2014 iGermany inqotshwe yiMexico 1 ka qanda khona okwethuse abantu abanengi.

Imdlalo iqhubekela phambi namuhla iPortugal izangqikilana leMorocco ngehola lesibili, iUruguay idibana leSaudi Arabia ngehola lesihlanu kuzokuthi ngehola lesitshiyagalombili iSpain izabhuqana leIran.

please wait

No media source currently available

0:00 0:02:46 0:00

Facebook Forum

XS
SM
MD
LG