amalinks wokungena

Breaking News

Amaqembu Enguqu Amela Ilizwe Adibana Lawe Zambia


Soccer Ball

Amaqembu amela ilizwe le Zimbabwe emdlalweni wenguqu adibana lamela ilizwe le Zambia kulimpelaviki kumncintiswano we COSAFA kanye lowe Total Women’s Africa Cup of Nations.

NgoMgqibelo iqembu labesilisa elimela ilizwe emdlalweni wenguqu lizangqikilana lele Zambia kufinal yalonyaka eyomncintiswano wenkezo ye COSAFA.

Umncintiswano walonyaka uqhutshelwa elizweni le South Africa edolobheni le Polokwane njalo umdlalo lo uzakuba senkundleni ye New Peter Mokaba ngehola lesithathu emini.

Iqembu le Zimbabwe lifinyelele ukuyadlala ku final ngemva kokuba linqobe ele Botswana kusigaba se quarter – final kuthi ku semi – final linqobe ele Lesotho njalo kuyo yonke limidlalo linqobe ngemva kokutshaywa kwembeka.

Unozinti weqembu le Zimbabwe uGeorge Chigova wenze izimanga kumidlalo yomibili njengoba evimbe imbekwa emihlanu kodwa uthi isifiso sakhe ngesokuba kusasa benqobe phakathi kwemizuzu engamatshumi ayithoba munwe munye.

Kutsho uChigova: “Kumidlalo emibili esesiyidlale kulumncintiswano besiwathola amathuba kodwa besingenelisi ukuwasebenzisa yikho kuzamele silungisise khonapho ukuze singacini sesitshaya njalo imbekwa ukuze kutholakale impumela.”

Ngakwelinye icele iqembu le Zambia linqobe ele Namibia kusigaba se quarter – final kwathi ku semi – final litshaye ele Madagascar.

Nyakenye lawa maqembu yiwo njalo angqikilane ku final kwathi iqembu le Zimbabwe lanqoba nge 3 ka 1.

Iqembu lase Zimbabwe seliyiphakamise kahlanu inkezo ye COSAFA selokhu lumncintiswano wasungulwayo kuthi ele Zambia lona selayiphakamisa kane.

Kolunye udaba olufanayo iqembu labesifazane elimela ilizwe le Zimbabwe lizadibana lelase Zambia ngeSonto enkundleni ye Ryfaro kuhlandla lesibili elesigaba esokucina esokudinga amaqembu azafinyelela ukuyadlala kumncintiswano we Total Women’s Africa Cup of Nations ozaqhutshelwa elizweni lase Ghana ekupheleni komnyaka.

Kuhlandla lakuqala iqembu le Zimbabwe linqobe ele Zambia nge 1 ka nya khonale kwele Zambia njalo imvimbi yeqembu lase Zimbabwe uNobukhosi Ncube uthi bakhangelele ukunqoba bayemela ilizwe ku Afcon.

Obekusikhathaza phambilini komdlalo esiwudlalele kwele Zambia yikuthi besingakwazi ukuthi badlala njani kodwa khathesi njengoba sesikwazi sikhangelele ukuba sidlale kuhle sinqobe siyedlala kuAfcon,” Nobukhosi Ncube.

Ukuyadlala kumncintiswano we Afcon kuza lethuba elokuyaphatheka kumidlalo eyezizwe zomhlaba ezaqhutshelwa elizweni lase France ngomnyaka ozayo njengoba leli kulithuba elizaphiwa amaqembu amathathu azaphutsha esendaweni ezintathu ezakuqala.

Facebook Forum

XS
SM
MD
LG