amalinks wokungena

Breaking News

Intsha Yabesifazana Ikhala Ngokusweliswa Amathuba Okuzithuthukisa


abatsha

Intsha yeZimbabwe isiveze ukukhathazeka okukhulu ngokusilela kwamathuba alakho ukusetshenziswa yiyo, ikakhulu kwabasakhulayo abesifazana ezintweni ezithile ezibalisa ukubhalisa ukuvota, bathole imali zokweboleka kanye lamathuba okuletha imbono yabo kuzinqumo ezimqoka elizweni.

Lanxa nje intsha yakuleli iyisilinganiso sokwedlula amatshumi ayisithupha ekhulwini-60%, inengi layo kungabesifazana, lokhu akukhanyi nxa kukhangelwa izinqumo ezithathwa ngempilo zabasakhulayo.

Indikimba yalonyaka yokunanza usuku lwabesifazana ibigxile ekuthuthukiseni ikusasa yabasakhulayo abesifazana isithi, connecting girls, inspiring futures, kodwa amathuba abo alokhu engacaci lapho kuthathwa izinqumo kanye lakusisekelo esitsha sombuso esilotshwayo.

Lanxa isisekelo sombuso sikhuluma ngamalungelo abesifazana lentsha, esikhathini esinengi kukhulunywa kulalelwe abesifazana asebekhulile kuthi nxa kuyintsha kulalelwe abesilisa, abasakhulayo abesifazana basale bengazi ukuthi bona babambe muthi bani ukuze bathole uncedo.

Kubika intathelizindaba yeStudio 7 uNothando Sibanda ekoBulawayo.
XS
SM
MD
LG