HARARE —
Amazwe angentshonalanga atholise eleZimbabwe usizo lwemali eyedlula kancane inkulungwane ezingamatshumi amathathu zamadola- $35,2 million ezasetshenziswa esigabeni sesibili sokuthuthukisa indlela zokutholakala kwamandla kagetsi kanye lamanzi kubomanisipala abambalwa lanxa uMongameli Robert Mugabe ehlezi ewachothoza lawo mazwe.
Amazwela angentshonalanga abalisa ele Germany, Australia, Norway, Denmark kanye lele Bhilithani. Emazwini akhe wokuphawula okusemthethweni isigaba sesibili saloluhlelo olusungulwe ngomnyaka ka 2010,oluqale ngesikhathi sikahulumende womanyano,emkhosini owenzelwe e Harare International Conference Centre lamuhla,umsekeli womphathintambo wezemali lentuthuko kwezomnotho,uDr Samuel Undenge uthi lolusizo lokuthenga impahla okumele isetshenziswe ngaphansi kwe Zimbabwe Multi Trust Fund, Zimfund, luzaphathisa uzulu owedlula izigidi ezinhlanu emadolobheni amakhulu lamancinyane okubalisa ele Harare, Redcliff, Hwange, Ruwa leChitungwiza.
Kulemali, eyethulwe okusemthethweni lamuhla, engaba zinkulungwane phose ezingamatshumi amabili-$19 ,8 million , izasetshenziswa ukuthuthukiswa kwendlela zokutholisa uzulu amandla kagetsi kuthi esalayo ingeyedlula kancinyane izigidi ezilitshumi lanhlanu-$15, 4 million izasetshenziswa kunhlelo zokwengeza isilinganiso samanzi atholiswa uzulu kanye lokuhlanzwa kwawo.
Umsekeli womphathintambo womsebenzi wemihlobo yamandla kagetsi, umnumzana Munacho Mutezo, uthi inhlelo zokutholisa uzulu amandla kagetsi anelayo kanye lamanzi ahlanzekileyo, kuvele kungezinye zenhlelo ezikugwalo lukahulumende lwe Socio Economic Tranformation-Zimasset.
Kuthi umsekeli womphathintambo wezemvelo,lezomkhathi, umnumzana Simon Musanhu uthi ukutholakala kwamanzi anelayo njalo ehlanzekile kuzulu wasezigabeni ezimbalwa ngaphanzi kwalezi nhlelo, kuzaphathisa ukuqeda kokuphela inani labahlaselwa yimikhuhlane ebangelwa yikusetshenziswa kwamanzi alengcekeza.
Okhulume emele lamazwe abuthanise limali etholiswe eleZimbabwe kuluncedo lwemali ezakuqondiswa ngabe African Development Bank - ADB, engummeli njalo welizwe lakwele German kuleli, umnumzana ULRICH Klockner, utshele umkhosi munye ukuba lamazwe angentshonalanga,azaqhubeka ephathisa inhlelo zokuthuthukisa impilo kazulu.
Amazwe la asebenzele ndawonye emsebenzini wohlelo lokubuthaniswa kwemali etholiswe eleZimbabwe njengosizo phansi kwesikhwama seZimfund.
Lolusizo luza ngesikhathi umongameli Robert Mugabe esebenzisa wonke amathuba awatholayo ukuthuka lamazwe angentshonalanga, ewabeka umlandu wokungenela kundaba zombusazwe e Zimbabwe.
Amazwela angentshonalanga abalisa ele Germany, Australia, Norway, Denmark kanye lele Bhilithani. Emazwini akhe wokuphawula okusemthethweni isigaba sesibili saloluhlelo olusungulwe ngomnyaka ka 2010,oluqale ngesikhathi sikahulumende womanyano,emkhosini owenzelwe e Harare International Conference Centre lamuhla,umsekeli womphathintambo wezemali lentuthuko kwezomnotho,uDr Samuel Undenge uthi lolusizo lokuthenga impahla okumele isetshenziswe ngaphansi kwe Zimbabwe Multi Trust Fund, Zimfund, luzaphathisa uzulu owedlula izigidi ezinhlanu emadolobheni amakhulu lamancinyane okubalisa ele Harare, Redcliff, Hwange, Ruwa leChitungwiza.
Kulemali, eyethulwe okusemthethweni lamuhla, engaba zinkulungwane phose ezingamatshumi amabili-$19 ,8 million , izasetshenziswa ukuthuthukiswa kwendlela zokutholisa uzulu amandla kagetsi kuthi esalayo ingeyedlula kancinyane izigidi ezilitshumi lanhlanu-$15, 4 million izasetshenziswa kunhlelo zokwengeza isilinganiso samanzi atholiswa uzulu kanye lokuhlanzwa kwawo.
Umsekeli womphathintambo womsebenzi wemihlobo yamandla kagetsi, umnumzana Munacho Mutezo, uthi inhlelo zokutholisa uzulu amandla kagetsi anelayo kanye lamanzi ahlanzekileyo, kuvele kungezinye zenhlelo ezikugwalo lukahulumende lwe Socio Economic Tranformation-Zimasset.
Kuthi umsekeli womphathintambo wezemvelo,lezomkhathi, umnumzana Simon Musanhu uthi ukutholakala kwamanzi anelayo njalo ehlanzekile kuzulu wasezigabeni ezimbalwa ngaphanzi kwalezi nhlelo, kuzaphathisa ukuqeda kokuphela inani labahlaselwa yimikhuhlane ebangelwa yikusetshenziswa kwamanzi alengcekeza.
Okhulume emele lamazwe abuthanise limali etholiswe eleZimbabwe kuluncedo lwemali ezakuqondiswa ngabe African Development Bank - ADB, engummeli njalo welizwe lakwele German kuleli, umnumzana ULRICH Klockner, utshele umkhosi munye ukuba lamazwe angentshonalanga,azaqhubeka ephathisa inhlelo zokuthuthukisa impilo kazulu.
Amazwe la asebenzele ndawonye emsebenzini wohlelo lokubuthaniswa kwemali etholiswe eleZimbabwe njengosizo phansi kwesikhwama seZimfund.
Lolusizo luza ngesikhathi umongameli Robert Mugabe esebenzisa wonke amathuba awatholayo ukuthuka lamazwe angentshonalanga, ewabeka umlandu wokungenela kundaba zombusazwe e Zimbabwe.