amalinks wokungena

Breaking News

Amazwe Azahlola Ukhetho lweZimbabwe Agoqela iMelika leBhilithani


Uhulumende ngoMvulo wethule uluhlu lwamazwe angamatshumi phose amahlanu, 46, athi uzawanxusa ukuzehlola ukuthi ukhetho luqhutshwa ngemfanelo na.

Amazwe la agoqela aphetsheya kwezilwandle aseleminyaka engamenywa yiZimbabwe abalisa iMelika, iBhilithane lamanye akumanyano weEuropean Union.

Ugatsha olubona ngobudlelwano phakathi kweZimbabwe lamanye amazwe luthi amazwe wonke akumanyano weSadc lawo avunyelwe kanye lomanyano weAfrican Union.

EleZimbabwe lizanxusa njalo amazwe afana leleJamaica, iCuba, iGuyanna, iChina, India, leAustralia.

Amazwe angaphetsheya avinjwa ukuzebona ukhetho luqhutshwa nguhulumende kaMnu Robert Mugabe eminyakeni edlula elitshumi edluleyo ngemva kokumethesa izijeziso zenotho.

Uhulumende uthi uzanxusa njalo iziphathamandla zaseMelika ezimbili uSenator Jeffrey Flake lowake waba lilunga leCongress uMnu Andrew Young.

UMongameli Emmerson Mnangagwa uthi akalaso isizatho sokuvimba amanye amazwe ngoba kungelalutho alufihlayo. Uthi njalo akusoze kube lokuqilibezela.

Ingcwethi ecubungula ezombusazwe uMnu Dinizulu Macaphulana utshele iStudio 7 ukuthi uhulumende kaMnangagwa uzaqilibezela kulokukhetho yikho nje ekhanya engatshayi abantu ukuthi balivotela.

please wait

No media source currently available

0:00 0:02:44 0:00
XS
SM
MD
LG