amalinks wokungena

Breaking News

Ambassador Brian Nichols: Ayisizo Zijeziso Zenotho Ezibangela Inkinga zeZimbabwe


U-Ambassador Brian Nichols
U-Ambassador Brian Nichols

Amazwe amanengi angentshonalanga kawasakufihli ukungajabuli kwawo yikwehluleka kukahulumende weZimbabwe ukuguqula imithetho eyephula amalungelo oluntu kanye lephazamisa umsebenzi wokuthengiselana lamanye amazwe.

Ummeli weMelika eZimbabwe uMnu. Brian Nichols ulobe ekhasini lakhe lenkundleni yokuxhumana eyebulenjini eyeTwitter NgoLwesihlanu ukuthi ebantwini abayizigidi ezedlula ezilitshumi lantathu base Zimbabwe, abalikhulu lamatshumi amane kuphela yibo abetheswa izijeziso zenotho yilizwe lakhe.

Uqhubeke ethi bazazethula lezo zijeziso ezetheswa labo bantu phansi komthetho weZIDERA nxa kwele Zimbabwe kungaba lombuso wentandokazulu.

Lokhu kusolwa ngabakwamanye amazwe sokwenze iziphathamandla zikahulumende ziphume ijumo lokubiza imihlangano labammeli bakwamanye amazwe eZimbabwe bechasisa ngenguquko abayenzayo emithethweni enjengePOSA leAIPPA.

NgoLwesine umpathintambo wobudlelwano beZimbabwe lamanye amazwe womhlaba, umnumzana Sibusiso Moyo uhlangane lommeli weBhilithani loweCanada emahofisini akhe aweMunhumutapa, eHarare ngenjongo yokubabonisa ngale inguquko enziwa nguhulumende.

XS
SM
MD
LG