amalinks wokungena

Ambassador Thomas Jnr: UMugabe Ukhuthaza Ubudlelwano Obuhle LoTrump

  • Mavis Gama

Ummeli weMelika eZimbabwe uAmbassador Harry Thomas Jr.

Ummeli weMelika eZimbabwe uthi kuyajabulisa ukuba uMongameli Robert Mugabe ufuna ukusebenzelana kuhle lomongameli welizwe lakhe osanda kukhethwa, uMnu. Donald Trump.

U-Ambassador Harry Thomas Jnr. wethula amazwi la emkhosini owenzelwe eHarare wokukhulumisana lamalunga abanye babaphatheka kunhlelo ezehlukeneyo kwele Melika, awe Zimbabwe United States Alumni Association (ZUSAA) ngesikhathi lelolizwe linanza iBlack History Month.

Uphinde wathi uhulumende wakhe uzaqhubekela phambili ngenhlelo zakhe abevele eziqhuba eZimbabwe ezigoqela ezempilakahle ezifana lolwe President's Emergency Plan for AIDS Relief (PEPFAR).

Uhulumende wakwele Melika ukhangelelwe njalo ukuthi uzaqhubekela phambili ngonhlelo ezinjengolokupha uzulu ukudla, olokufundisa abasakhulayo beZimbabwe lokwakha isigodlo seMelika ngendleko yezigidi ezingamakhulu amabili amadola- US$200 million lezinye.

Wengeza ukuba inhlelo uhulumende wakhe aseziqhube okwesikhathi eside kungakhathalekile ukuba ongumongameli ngaleso sikhathi ngowaluphi ibandla lombusazwe, zizoqhubeka ngoba ziqakathekile.

Kungakho esithi uzokhuthaza uMongameli Donald Trump ukuba angaze esula inhlelo ezasungulwa nguMongameli Barrack Obama ezifana lolwe Mandela Washington Fellowship Program lezinye.

Linyanga yeBlack History Month eyaziwa njalo ngelokuthi “African American History Month ”, enanzwa ngenyanga kaNhlolanja eqakathekisa imbali lokwenziwa ngabansundu base Melika.

Kusukela ngomnyaka ka1976, inyanga kaNhlolanja yabekwa njengenyanga yokunanza imisebenzi yabansundu lokuqakatheka kwabo embalini yeMelika.

Facebook Forum

XS
SM
MD
LG