amalinks wokungena

Breaking News

Isiphathamandla seUnited Nations Sisemhlanganweni Oqakathekileyo eZimbabwe


FILE - United Nations Deputy Secretary-General Amina Mohammed, left, addresses the Security Council meeting on peace and security in Africa, Aug. 10, 2017, at U.N. headquarters.

Umsekeli kasibalukhulu weUnited Nations, uNkosazana Amina Mohammed ukwele Zimbabwe.

Ukhangelelwe ukuthi uzangena umhlangano weAfrican Regional Forum on Sustainable Development oqala ngoMvulo.

UNkosazana Mohammed labanye bakhe bazaxoxa ngokuthuthukisa umnotho welizwe leZimbabwe lamanye amazwe akumanyano weAfrican Union.

Uzangena njalo imihlangano embalwa eVictoria Falls egoqela ozahlolisisa ukubambisana kwezokuthengiselana kwele Africa oweCoordination Mechanism for Africa okhuthaza ukuxoxisana kwabatsha okuthiwa yi-African Youth Engagement Forum.

Abanye abasemhlanganweni lo bathi akulathemba lokuthi kuzakhulunywa okunceda ilizwe leZimbabwe.

IAfrican Regional Forum on Sustainable Development ngumbuthano wenhlangothi zabohulumende abatshiyeneyo oqoqwa yiAfrican Union Commission, ibhanga leAfrican Development Bank, umanyano weUnited Nations lapho okukhulunywa ngokubhekane labantu emhlabeni wonke jikelele kwezempilakahla, ezentuthuko kokunye okutshiyeneyo.

Kujayele ukwethulwa izinqumo ezitshiyeneyo emhlanganweni lo ezikhuthaza ingqubekela phambili njengalokhu okwaphawulwa ngumanyano weUnited Nations okubalisa i2030 Agenda for Sustainable Development kanye leAgenda 2063 of the African Union.

Umhlangano lo uzaqhutshwa ngaphansi kwesihloko esithi ‘2020-2030: A Decade to Deliver a Transformed and Prosperous Africa through the 2030 Agenda and Agenda 2063’.

Umhlangano lo uzavulwa okusemthethweni nguMongameli Emmerson Mnangagwa ngoMvulo.

Facebook Forum

XS
SM
MD
LG