amalinks wokungena

Breaking News

Amnesty International: Kaluhluzwe Emhlanganweni weSADC Udaba lweZimbabwe


SADC

Inhlanganiso ezilondoloza amalungelo abantu, ezigoqela eyeAmnesty International, zikhuthaza inkokheli yasemhlubulweni wangezansi yezwekazi leAfrica, eyeSouthern African Development Community (SADC), ukuba ilungise inkinga ezisemazweni agoqela eleZimbabwe, Madagascar leSwaziland, lapho okuthiwa kukhuphuka inani labantu abakhahlanyezwa ngamabandla abusayo.

Linkuthazo iza ngesikhathi uhulumende weZimbabwe eqhubeka esithi akulankinga zokwephulwa kwamalungelo abantu elizweni, ngesikhathi kulungiselelwa umhlangano wenkokheli yeSADC okhangelelwe ukuqala ngoMvulo mhlaka 17 Ncwabakazi 2020.

Inhlanganiso yeAmnesty International yethule umbiko ngoLwesihlanu okhuthaza inkokheli yenhlanganiso yeSADC ukuba ingatshiyi phandle udaba lokwephulwa kwamalungelo oluntu emazweni agoqela eleZimbabwe.

Obona ngokudlelana lentathelizindaba esigabeni sangezansi yezwekazi leAfrica kunhlanganiso le, uMnu. Robert Shivabvu, uthi umbiko lo wethulwe ngesikhathi intathelizindaba uHopewell Chin’ono loMnu. Jacob Ngarivhume, umkhokheli webandlal leTransform Zimbabwe, bevalewe entilongweni besetheswa amacala okutshotshozela abantu ukuthi bavukele uhulumende.

Lokhu kusekelwe nguMnu. Marvellous Khumalo, isikhulumeli senhlanganiso ebona ngokwenzakala elizweni eyeCrisis in Zimbabwe Coalition, othi uhulumende weZimbabwe ukhahlameza uzulu.

Kodwa uNkosikazi Monica Mutsvangwa, umphathintambo kahulumende obona ngokwethulwa kwemibiko, uthi akulankinga kwele Zimbabwe njengoba ilizwe leli lingakhulunywa kuhlangothi lukahulumende olubona ngezomvikela eyeSADC Troika on Politics, Defence and Security.

Uthi okwenzakala eZimbabwe kudalwa ngabalandeli bebandla leMDC Alliance eladliwa kukhetho olwenziwa ngomnyaka ka2018 okwanqoba uMongameli Emmerson Mnangagwa lebandla leZanu PF.

Facebook Forum

XS
SM
MD
LG