amalinks wokungena

Breaking News

Sebelungiselela Imidlalo Yalonyaka Yenguqu


Umkhokheli wenhlanganiso yeZifa Southern Region uAndrew Tapela ngoLwesithathu wethule inhlelo abalazo phambilini kokuqala kwemidlalo yalonyaka esigabeni sakhe esithi abantu bakhangelele inguquko abaqoqa ukuyiletha ukuthuthukisa umdlalo wenguqu kulesi sigaba.

Inhlanganiso le ikhangelelwe ukuqhuba umhlangano wayo womnyaka, owe Annual General Meeting ekupheleni kwenyanga kaNhlolanja okuyilapho umgcinisihlalo wayo uTapela athi yikho lapho abazakwazisa khona amaqembu ukuba bayabe bephumelele yini ukuthola abangaphathisa ngosekelo lwemali.

“Sixoxisana lalabo abangenza iligi yethu ibelezibizo ngokufaka imbijanyana yabo okuyinto ezakwenza amankampani abo akhule. Yingxoxo ezikhona khathesi esilethemba ukuthi ngesikhathi okuzafika khona iAGM yethu ziyabe seziphethile sibelakho ukuthi abantu singabatshelani. Yiwo ke amaqhinga esilawo okwakhathesi.”

Sekulesikhathi eside amaqembu adlala kusigaba seSouthern Region Division One Soccer League edlalela ukuthola ithuba lokukhuphuka ayedlala kusigaba saphezulu ese Premier Soccer League kungela mvuzo wemali obambekayo.

Amaqembu adlala kulesisigaba ngawako Bulawayo kanye lase Matabeleland North okutsho ukuba indleko zokuhamba zithe xaxa njalo phezu kwazo kudingakala imali eyokubhadala onompembe lamapholisa kanye leyokubhadalela inkundla okudlalelwa khona.

Unobhala jikelele weqembu leToronto uEmma Nxumalo uthi nyakenye basebenzise imali eyedlula inkulungwane ezingamatshumi amabili zamadola njalo lonyaka leyomali ilakho ukukhuphuka kakhulu ngemva kokukhwela kwentengo yamafutha ezimota.

“Nyakenye besilomuntu obesiphathisa ngokubhadala indleko zethu kodwa lonyaka kulobunzima ngoba ngokukhwela kwamafutha indleko zokuhambisa lazo zihle zakhuphuka okutsho ukuba kuzakuba nzima ukuba sidlale nxa singasatholanga usekelo lwemali.”

Kulemibiko ethi iqembu le Zim Leopards selilobele inhlanganiso yeZifa Southern Region liyazisa ukuba lonyaka alenelisi ukuqhubeka lilokhu lidlala kuSouthern Region Division One Soccer League ikanti ele Bosso 90 lalo kubikwa lingatshabalala nxa lingasatholanga usekelo lwemali.

Phezu kwendleko zokuhambisa lokubhadala onompembe lamapholisa amaqembu aphinda njalo ahlawule imali yokubhalisa lenhlanganiso yeZifa njalo lawo abevele edlala kuligi leyi nyakenye abhadala inkulungwane ezimbili lamakhulu ayisikhombisa lamatshumi amahlanu $2,750.00 yona egoqela leyokubhalisa abadlali kanye labaqeqetshi.

Amaqembu amatsha wona akhokha lamakhulu amahlanu phezu kwaleyo ehlawulwa ngamaqembu amadala.

Facebook Forum

XS
SM
MD
LG