amalinks wokungena

Imbongi zeZimbabwe zithi zisebenza kanzima ukuze zithole ithuba lokufundisa umhlaba wonke jikele mayelana lamasiko azo.

Omunye walezimbongi, uNkosazana Nomashawekazi Damasane, owaziwa ngabanengi ngegama elithi Lady Tshawe, uthe imbongi zidlala indima enkulu kakhulu kweleZimbabwe ngoba inkondlo zabo zixoxisana lokuhlupha umphakathi kweleZimbabwe njalo befundisa uzulu lo mhlaba wonke jikelele lamasiko ethu.

“Ukuba yimbongi yesifazana kunzima kakhulu ngoba abantu abanengi sebejwayele ukubona abantu besilisa beyenza lowo msebenzi. Enye into eyenza ukuthi umsebenzi wami ubenzima yikuthi abantu abanengi bayangilinganisa lo baba wami, laye oyimbongi.”

ULady Tshawe uphinde wathi ukuthola ithuba lokuvezela umhlaba wonke jikelele imibono yakhe mayelana lezinto ezithintha umphakathi ngendlela ebalulekile kuyinto emthabisayo kakhulu ngoba ufisa ukuthi uzulu abe lolwazi ngalezinto zonke eziyenzakalayo emphakathini njalo uzakwenelisa ukufundisa umhlaba wonke jikelele ngamasiko akhe.

ULady Tshawe uphinde wakhuthaza abatsha abafisa ukuba zimbongi njalo abafisa ukufundiswa indlela ezitsheyeneyo zokwenza lowo msebenzi ukuthi kumele bengesabi ukumthintha kukhasi lakhe ebulenjini bokuzilibazisa obeFacebook ngaphansi kwegama Lady Tshawe.

Facebook Forum

XS
SM
MD
LG