amalinks wokungena

Breaking News

Sokusilela Imithi Yokuhlanza Amanzi Ngesikhathi Amadamu KoBulawayo Esegcwele


Amanzi asegcwele emadamu.
Amanzi asegcwele emadamu.

Amadamu amahlanu phakathi kwayisithupha awekhansili yakoBulawayo asegwcele njalo asechitha.

Kusele elilodwa elibizwa ngokuthi yi Inyankuni elilamanzi ayisilinganiso sokungamatshumi ayisificaminwe mbili lanye ekhulwini - 81% nomanje idolobho labo Bulawayo libhekane lokusilela kwedola leMelika osekuphazamisa ukuthengwa kwemithi yokuhlanza amanzi engakafiki empompini zezindini.

Ayathululeka amanzi emadamu.
Ayathululeka amanzi emadamu.

Lokhu kuvezwe ngesikhathi iziphathamandla zedolobho leli zisethekelela amadamu abalisa idamu leMzingwane, iLower le Upper Ncema asegcwele njalo asechitha.
USibalukhulu wedolobho lakoBulawayo, uMnu. Christopher Dube, uthe loba amadamu esegcwele babhekane lodubo lokuthola imali yokuthenga imithi yokuhlanza amanzi.

UMgcinisihlalo wekhomithi ebona ngezamanzi, uMnunzana Norman Hlabano, uvumelane loDube esithi besebenza nzima ngokungatholi imali ngemfanelo ebhanga elikhulu lelizwe ele Reserve Bank of Zimbabwe.

Asechitha amadamu amahlanu.
Asechitha amadamu amahlanu.

UMsekeli womqondisi kamanjinela wekhansili, uMnu. Mente Ndlovu, uthe ikhansili isiqalisile njalo ukudonsa amanzi esuka edamu le Insiza, eselichitha, esiyathela kuInyankuni emizameni yokuvuna amanzi ethi akumelanga agelezele egangeni.

UMayor wakoBulawayo, uMnunzana Martin Moyo, ubonge uNkulunkulu ngokugcwala kwamadamu lokuthi asechitha.

Idamu elilokhe lingakagcwali amanzi yi-Inyankuni.
Idamu elilokhe lingakagcwali amanzi yi-Inyankuni.

Ikhansili isebenzisa inkulungwane phose amatshumi ayisithiyagalolunye amadollar - $87,600 – ngenyanga yokuthenga imithi yokunhlanza amanzi.
UBulawayo uvame ukubhekana lokusilela kwamanzi njalo amadamu acina ukugcwala efika esibangeni akiso okwamanje ngomnyaka ka2000 lango 2014.

Amakhansila acele uhulumende ukuba aqalise khonamanje ukwakha aqede idamu le Gwayi-Shangani ukuze udubo lokusilela kwamanzi luphele koBulawayo.

Udaba Esilethulelwe NguNompumelelo Moyo
please wait

No media source currently available

0:00 0:04:02 0:00
Lapho esitholakala khona

XS
SM
MD
LG