amalinks wokungena

Breaking News

Asevunyelwa Ukungena eHarare amaKombi Ngemva Komkhosi Kazulu


Ukwaliswa kwamaKombi ukungena enzikini yeHarare ethwala abantu ngoLwesine kubangele ukukhonona okukhulu kuzulu uhulumende wacina ewavumela.

Kuqhamuke njalo ukufuthelana lokukhulumisana kubi phakathi kukamanisipala walelidolobho lomphathintambo wezabelo uMnu July Moyo phezu kwaloludaba.

Ikhansili yeHarare ibisithi uhulumende nguye ophume lesinqumo sokuvimba amaKombi la ngoba esithi abangela ukuminyezelana okukhulu edolobheni.

Kodwa uMoyo ukulandule lokhu esithi isinqumo lesi sithethwe yikhansili.

“Njengomphathintambo, sengisesulile isinqumo sikamanisipala esokwalela amaKombi ukungena edolobheni. Lokhu sokubangele udubo olukhulu ebantwini,” kutsho uMnu Moyo.

Wengeze wathi ukuvimba maKombi lokhu kuphazamisa ngitsho lezethekeli ezingaba zifuna ukungena edolobheni zibuka indawo ezitshiyeneyo.

Kodwa ngakolunye uhlangothi, umanisipala weHarare yena ubesithi akalani lokwenza lesinqumo lesi. Uthe le yimisebenzi kahulumende.

Ezinye izakhamizi zicine zingena edolobheni ngenyawo ngemva kokwehliswa ngamaKombi lapho obekuthiwa amabhasi eZupco yiwo abezathwala abantu esengena lawo eHarare.

Isakhamuzi seChitungwiza uMnu Mduduzi Masuku uthe lanxa efuna ukuthi ukuminyana okubangelwa ngamakombi edolobheni kuqedwe, ukuvinjwa kwawo kube yikuphambanisa okukhulu.

please wait

No media source currently available

0:00 0:04:26 0:00

Facebook Forum

XS
SM
MD
LG