amalinks wokungena

Breaking News

Udaba Lokusuka Esikhundleni KukaMugabe Asisoze Silulokothe - Zanu PF


Amalunga eZanu PF seqalisile ukufika koBulawayo elanda umhlangano walelibandla owe annual conference, oqala ngoLwesithathu eTrade Fair.

IZanu PF ithi umhlangano lo uzangenwa zinkulungwane ezintathu zabantu abagoqela abammeli bamabandla avela amazweni alobudlelano layo.

Okuqakathekileyo okuzahluzwa kulumhlangano kugoqela uhlelo lokuthuthukisa abensudu kwezenotho, umumo webandla, ezokulima lokunye okutshiyeneyo.

Kodwa udaba olungasoze lulokothwe ngolokuthi uMongameli Mugabe kumele atshiye nini ubukhokheli beZanu PF. Inengi kulelibandla lifuna uMugabe etshiye lesisihlalo ngoba seluphele njalo engaphilanga.

Isikhulumeli seZanu PF uMnu Rugare Gumbo uthe alusoze luhlafunwe udaba lukaMugabe ngoba ibandla lijabuliswa yibukhokheli bakhe.

XS
SM
MD
LG