amalinks wokungena

Breaking News

Abazali Bomntwana Olesimo seAutism Bakhuluma Ngababhekane Lakho


Umbalisi ufundisa abantwana abalesimo seAutism.

Annastacia Ndlovu

Isimo seAutism esihlasela abantwana ekwehlulekeni ukukhuluma baze bakhule bekhulela emuva kulabo ntanga yabo yisimo esingazwisisekiyo ikakhulu emazweni akuzwekazi leAfrica okugoqela iZimbabwe.

Inengi labazali ababa labantwana abazalwa bele simo seAutism kubanzima ukunanzelela ukuba umntwana uphathekile, inengi linanzelela lapho umntwana esesehluleka ukukhuluma aze afikise iminyaka emithathu yokuzalwa kumbe esehluleka ukwenza ezinye izinto ezithile ezenziwa ngontanga bakhe eziyisibonelo sokuba uyakhula kahle.

NgoMvulo senelise ukukhulumisana labazali kaNjabulo Masuku, oleminyaka yokuzalwa elitshumi lasithupha, owazalwa elalesi simo.

UNkosikazi Sekai Masuku loyisekaNjabulo, uMnu. Muhle Masuku, bathe loba indodana yabo ilesimo seAutism ufunda eRiverside Stimulation Centre.

Bathe bayajabula ukuthi bayenelisa ukuphila kahle njengemuli elomntwana olesimo lesi ngoba uyatshengisa inguquko empilweni yakhe.

Inyanga kaMabasa yabekwa yinhlanganiso yomanyano wamazwe omhlaba owe United Nations ukuthi inanzwe njengesikhathi sokuqakathekisa inkuthazo yokuphathwa kahle kwabantu, ikakhulu abantwana abaphila lesimo seAutism.

IZimbabwe njengelinye lamazwe asathuthukayo elisanda kuzwisisa kancane ngales’isimo seAutism sokwasungulwa izikolo ezifunda abantwana abale Autism lobanje kungesibo bonke abazali abenelisa ukufundisa abantwababo kulezi zikolo ngoba zibiza inhlawulo ekhuphukileyo yezifundo engeneliswa ngabanengi.

Udaba Esilethulelwe NguAnnastacia Ndlovu
please wait

No media source currently available

0:00 0:04:37 0:00

Facebook Forum

XS
SM
MD
LG