Inyanga kaMabasa yabekwa ngumhlaba yinhlanganiso yomanyano wamazwe omhlaba wonke jikelele njengesikhathi wokukhuthaza ukuphathwa kahle kwabantu abaphila lesifo se autism.
Lokhu kwenzelwa ukuba abantu abaphila lomkhuhlane lo bathole amathuba okuthi baphile ngemfanelo.
Omunye wabantu abalolwazi ngomkhuhlane lo nguDokotela Themba Nyoni, ongumqeqetshi ekolitshini le National University of Science & Technology koBulawayo njalo ongumgcinisihlalo wenhlanganiso ebizwa ngokuthi ‘Yona Yethu Technologies’, othi ukhangelele ukufundisa umphakathi kwele Zimbabwe mayelana ngomkhuhlane lo.
UNyoni uthi, “umkhuhlane we-autism, ngumkhuhlane ohlupha kakhulu kwele Zimbabwe ngenxa yokuthi umphakathi awulalo ulwazi oluthile mayelana ngalo mkhuhlwane.”
UNyoni uphinde wathi ukuze umphakathini ube lolwazi mayelana ngomkhuhlwane lo kumele bathinte inhlanganiso ezifana leAutism Organization of Zimbabwe.
