amalinks wokungena

Breaking News

UNkosikazi Auxillia Mnangagwa Ukhankasela iZanu PF Na Ngokupha Abantu Izipho Ezitshiyeneyo?


Banengi abaphiwa izipho nguNkosikazi Auxillia Mnangagwa.

Uzulu weZimbabwe wamukela ngemibono eyehlukeneyo okwenziwa ngumkamongameli uNkosikazi Auxillia Mnangagwa okugoqela ukwethekelela izibhedlela lokunika izipho abaswelayo ngendlela etshiyeneyo.

Inengi labantu lithi uzulu akufuzanga akhohlwe indlela ezasetshenziswa nguNkosikazi Grace Mugabe, owayengumka Mnu. Robert Mugabe laye owaqala ngandlela efanayo ukungena kwezombusazwe.

UMnu. Wellington Mukanhaire uthe noma kuyinto enhle ukunceda nxa ulakho, ukwenza kuka Nkosikazi Mnangagwa kumele kubhekwe abantu bekhumbula ukuhlukumezwa okwasekusenziwa abantu beZimbabwe nguNkosikazi Mugabe.

Banangi abantu abahluphekayo eZimbabwe.
Banangi abantu abahluphekayo eZimbabwe.

Kodwa osakhulayo uNkosazana Senzeni Ncube uthi abantu akumelanga bebelengqondo zokusola ndawozonke njalo bafunde ukubonga umsebenzi obukekayo owenzwa nguNkosikazi Mnangagwa.

Ingcwethi yezombusazwe, uMnu. Ronald Moyo, uthe uNkosikazi Mnangagwa wenza okuhle sibili kodwa kufuze ehlolwe njengoba sesisondela isikhathi sokhetho.

Omunye njalo osakhulayo, uMnu. Tafadzwa Herbert, uthe le ngenye indlela ibandla le Zanu PF eliqila ngayo abantu ngesikhathi sokhetho.

Izibotshwa lazo seziphiwe izipho ezitshiyeneyo.
Izibotshwa lazo seziphiwe izipho ezitshiyeneyo.

UNkosikazi Mnangagwa uselamaviki athile esethekelela izibhedlela ezitshiyeneyo ezifihlile osekuhlukumeze abanye besithi usekhankasela ibandla leZanu PF elizancintisa kukhetho oluzayo.

Izibhedlela ezinkulu asezethekelelwe nguNkosikazi Mnangagwa okwamanye zibalisa eseMpilo koBulawayo leParirenyatwa Hospital eHarare.

Udaba Esilethulelwe NguGibson Bhebhe
please wait

No media source currently available

0:00 0:03:23 0:00

Facebook Forum

XS
SM
MD
LG