amalinks wokungena

Breaking News

Ayikehliswa iFlag Ukuhlonipha Ukutshona KukaMnu. Robert Mugabe


Owayengumongameli uMnu. Robert Mugabe
Owayengumongameli uMnu. Robert Mugabe

UMnu Robert Mugabe ubesehlale phose inyanga ezine esesibhedlela seSingapore ebhadalelwa indleko yokwelatshwa nguhulumende. Imibiko yokubhubha kwakhe iqale ukuzwakala lamuhla ekuseni.

Imibiko ephuma ebulenjini ibonisa ukuba ibandla leZANU-PF elalikhokhelwa nguMugabe likhala lemuli yakhe lobanje bekungasela budlelwano obufana layizolo kodwa ngesikhathi egcotshwa ukuba ngumongameli uMnu. Emmerson Mnangawa, uMugabe wathumela indodakazi yakhe uBona Chikowore ukuyamenzela amhlophe.

IFlag yeZimbabwe lokhe ingakayehli njengendlela yokuhlonipha uMugabe, kusalindwe ukuba uMongameli Emmerson Mnangagwa ethule isaziso sokuba uMugabe uphiwa nhlonipho bani.

Idale laphezulu lebandla leZanu PF elePolitburo libikwa nkona lizahlangana ukuze kwethulwe umbiko ngemfa kaMugabe.

UMugabe ubhubhe eseleminyaka engamatshumi ayisifica munwe munye lanhlanu. Utshiye mkakhe uNkosikazi Grace Mugabe, abantwana abathathu, abafana ababili lendodakazi yakhe uBona labazukulu.

Isizwe okwamanje asikaziswa ngokuza kwesidumbu sakhe ekhaya sisuka kweleSingapore lapho abhubhele khona.

XS
SM
MD
LG