amalinks wokungena

Breaking News

'Azajeziswa Amankampani Alahlela Ingcekeza Emanzini'


Uhulumende usephe amakhansili lamankampani amaviki ayisithupha ukuthi alungisise indlela alahla ngayo ingcekeza egoqela ephuma ezambuzi kanye lemafekithali ukuze ingaze yangena emanzini anathwa nguzulu.

Lokhu kuphume emhlanganweni oqhutshelwe eHarare ngoLwesibili phakathi kukamphathintambo obona ngendaba zezabelo uMnu Ignatius Chombo, omanisipala kanye lamankampani amakhulu agoqela iDelta, CSC, amagaraji athengisa amafutha ezimota labamamotshari.

UChombo ubize umhlangano lo ngemva kokuba kuvele ukuthi amankampani amanengi ajikela ingcekeza eluhlaza emanzini acina enathwa nguzulu, okuyinto efaka abantu lemvelo engozini enkulu.

UMnu Chombo utshele iStudio 7 ukuthi amankampani lamakhansili azakwehluleka ukulungisisa loludaba phakathi kwamaviki ayisithupha abekiweyo, azajeziswa.

"Sibaphe amaviki ayisithupha ukuthi benze izinto ngendlela efaneleyo, njalo engikutholileyo emhlanganweni lo yikuthi bonke bazimisele ukulandela umthetho," kutsho uChombo.

Imizamo kaChombo lohulumende isekelwe ngukhansila weHarare uMnu Peter Moyo.

"Wenze into enhle ukuthi ehlangane lamankampani lawa, amanye awo ngama-fly-by-night companies angaboniyo ukuthi akwenzayo kuyingozi ebantwini," kutsho uMoyo ekhuluma lalumsakazo.
XS
SM
MD
LG