amalinks wokungena

Breaking News

Azibhongi Sibaya Sinye: UChamisa loMudzuri Sebesilwa


Bathi kazibhongi sibaya sinye.

Lokhu yikho xathu osokusenzakala kubandla leMDC-T ngoba sokuqhamuke ukulwisana phakathi kwabasekeli bakaMnu Morgan Tsvangirai ababili, uMnu Elias Mudzuri loMnu Nelson Chamisa.

Ababili laba babanga isikhundla sikaTsvangirai yena ogulayo njalo olaliswe esibhedlela kweleSouth Africa.

Ukulwisana obekuvele kukhona bekuphakathi kukaChamisa loNkosazana Thokozana Khupe, ongumunye njalo wabasekeli bakaTsvangirai.

UMnu Nelson Chamisa ngomunye wabasekeli bakaMnu M.rgan Tsvangirai.
UMnu Nelson Chamisa ngomunye wabasekeli bakaMnu M.rgan Tsvangirai.

Kodwa okwenzakale emhlanganweni weMDC Alliance eChitungwiza ngeSonto kuveze sobala ukudlephana osokukhona phakathi kukaChamisa loMudzuri.

Umsakazo weStudio 7 uyakuveza ukuthi uMnu Mudzuri uyalile ukukhuluma emhlanganweni lo esesaba ukuhozwa ngabantu athi bebethunywe nguChamisa.

Abalobudlelwano loMudzuri bathi alubana esukumile wahozwa ngabantu, bekuzamyangisa kumehlise isithunzi njalo kuphe uChamisa igunya.

UMnu Elias Mudzuri ngomunye wabasekeli bakaMnu M.rgan Tsvangirai.
UMnu Elias Mudzuri ngomunye wabasekeli bakaMnu M.rgan Tsvangirai.

Njengomkhokheli webandla, uMudzuri ubemele ekhulume njengalokhu ahlezi ekwenza emihlanganweni yokukhankasela ukhetho oluzayo.

UChamisa nguye ocine ekhuluma. Ababili laba bakhethwe nguTsvangirai ngo2016 engakhulumisananga loMaKhupe lezinye iziphathamandla zebandla.

Ingcwethi kwezombusazwe uMnu Mqondobanzi Magonya lumsakazo ukuthi ibandla leMDC-T lilakho ukudabuka phakathi yiloba nini lomanyano weMDC Alliance uphelele eboyeni njengezithukuthuku zenja.

please wait

No media source currently available

0:00 0:02:04 0:00

Facebook Forum

XS
SM
MD
LG