amalinks wokungena

Breaking News

Badlela Evalweni abeZimbabwe Abatshayela Amaroli kweleSouth Africa


Abatshayeli bamaroli abeZimbabwe abasebenzela kweleSouth Africa bathi sebedlela evalweni njengoba abatshayeli balelozwe sebesithi kabaphume baphele ngoba bengayekela ukwenza njalo bazayifunda ivaliwe.

Bangene emgqaweni bengasadlanga nkotshana abatshayeli bamaroli kweleSouth Africa besithi kabasafuni ukubona ngitsho lamunye umuntu wokuza osebenza ukutshayela iroli.

Bathi inengi lalaba batshayeli baselizweni ngokungekho emthethweni njalo bemukela imali encane.

Ngesikhathi betshengisela abanye babo bebedubula ngenkafulakufa emoyeni okuyisixwayiso esikhulu kubatshayeli abavela kwamanye amazwe.

Umnumnzana Dayson Mukwewa, okhokhela inhlanganiso yeZimbabwean Truck Drivers Association uthi njengoba abangabafuniyo laba bechathama ezindleleni, bebatshaya lokutshisa amaroli abo, sebesebenza besesaba ukuthi bengabulawa loba nini.

“Sithuke kakhulu amalocal truck drivers bathi thina abantu bokufika sithathe imisebenzi yabo and bona bayayifuna and bazoyifuna ngenkani. Bazosebenzisa yonke indlela ekhona ukuthi bathathe back imisebenzi yabo abafuni abantu bokufika bafuna bona kuphela badirayive amatruck wabo basebenze imisebenzi yonke particularly in the trucking industry.”

Uthi izolo eJohannesburg kulomtshayeli weZimbabwe otshaywe kabuhlungu, wathathelwa konke abenakho andubana iroli yakhe itshiswe.

Kweminye yemifanekiso yabomabona kude, omunye wabatshayeli bakweleSouth Africa, ongatholakalanga igama lakhe uzwakala exotshanisa omunye wabatshayeli bokuza othe ebabona bevimbe umgwaqo watshiya iroli yakhe wathi nyawo ngibeletha.

“Hawu nangu umuntu ebaleka yeyi nangu muntu ebaleka vimbani bo! Heyi, wozani wozani ibalekile lento le mani yeeerrrrr. Awu unamanga anitshele umlungu wakhe azethatha nayi loli. KuseMnambithi la siyamnambitha umuntu odakiwe kabazi ukuthi kuyazatshalazwa bayabaleka bona.”

Kodwake umphathintambo wogatsha lwezemisebenzi umnumnzana Thulas Nxesi uphikisana laloludlakela esithi bakhona abatshayeli bakwamanye amazwe abalemvumo yokuba selizweni abalelungelo lokutshayela amaroli la.

“Ngeke sivele sixotshe abantu bokuza bonke lapha ngoba abanye babo balelungelo lokusebenza.”

Umnumnzana Nxesi uthi ugatsha lwakhe seluphakathi kokukhulumisana labatshayeli laba ukuze luqedwe loludlakela. Uthi iSouth Africa ngeke yale ukwemukela izisebenzi zakwamanye amazwe kanti yona ifuna ukuyasungula amabhizimusi kulawo mazwe.

Facebook Forum

XS
SM
MD
LG