amalinks wokungena

Breaking News

Badutshulwa Ngenhlamvu zeRubber abeZimbabwe Abatshengisele Esigodlweni Sommeli weZimbabwe, eSouth Africa


AbeZimbabwe betshengisela kweleSouth AFrica esigodlweni sommeli weZimbabwe ePretoria

Amapholisa asebenziseintuthu ehitshayo lemibhobho yenhlamvu ezizwisa ubuhlungu ukuchitha iqula lezizalwane zeZimbabwe lezakweleSouth Africa abebetshengisela esigodlweni seZimbabwe ePretoria besithi uhulumende weZimbabwe akaqede ubusela, inkohlakalo, ukubotshwa lokuhlukunyezwa kwabantu mahlayana.

Bekuyimpi kamvundla lenja, zikhala ubuthumuthumu inhlamvu amapholisa ezama ukuchitha umbuthano walabo abebetshengisela esigodlweni seZimbabwe ePretoria.

Kodwa abebetshengisela labo bebesidla amalahle bethi sokwanele ukuhlukunyezwa kwamalungelo oluntu eZimbabwe. Ngakwelinye icele amapholisa lawo abebethele izikhonkwane endlebeni esithi kabahambe ngoba bengelamvumo yokutshengisela.

Kodwa abebetshengisela laba labo bebengafuni kuzwa bagijima baphinde baqoqane ngmaqenjana beqhunsa ingoma zomzabalazo.

Isizalwane seZimbabwe umnumnzana Cosmas Ndlovu ukubeke kwacaca ukuthi yindaba ebeyingxenye yabebetshengisela laba.

‘Into engikhala ngayo yikuthi uPresident Mnangagwa akasihloniphe njengabantu basezimbabwe akasihloniphe njengezizalwane zasezimbabwe. One day is one day, that day will come whereby we will remove ZANU PF from power and ZANU PF will go. Ngithi esingakufuniyo njengabantu yikuthi uhulumende kaMnangagwa ubekhona kumele uhambe noma bengaqhumisa amateargas asibasabi thina.”

Umnumnzana Mungisi ndlovu yena uthi ufuna uhulumende weZimbabwe ekele ukuphatha ngocuku labo abangavumelani laye..

“Mina bhudi wami ngikhala ngokuhlukunyezwa kwamaRights abantu. The whole President coming in public azokutsho ukuthi dark forces will be flushed out. Anybody oOpposer igovernment is called a dark force so yigovernment enjani ephatha abantu bayo ukuthi bapusher idemocracy bathi there is democracy kodwa bona bapractisor something different. Amajournalist ayaboshwa anybody who oppose them ungena ejele.”

Kantike omunye wabebetshengisela umnumnzana Velile Moyo uthi uhulumende weZanu pf usebahluphe kwenela.

“Over millions of our people abala eSouth Africa abanye bakhona sebainvolved kuCrime abanye bakhona ke badestitute abanye bastateless abazange babangisho lamaphepha abashoyo ukuthi bangobani ngoba abazali babo babulawa ngegugurahundi. So ngaleso sizatho besizile lapha ukuthi sazise umhlaba ukuthi ke ziningi inhlupho ezikhona eMatebeland ezikhona eZimbabwe ezifuna ukuthi zilungiswe abaphethe eZimbabwe ngabantu abafanale ukuthi baboshwe bangene entolongweni.”

Ilunga leZAPU umnumnzana Carnicious Nkala usole kakhulu isenzo samapholisa.

“Siyabonga ngomsebenzi owenzziwe lamhlanje kkhulu kulendawo lapho esikhona ukuvala I embassy yaseZimbabwe ukuthi silungise indaba yokuphathwa kabi kwabantu ama human rights abuses. Into esesiyibona yikuthi amapholisa ase reacte ngendlela engayisiyo. Sileshuwa ukuthi imessage yethu ihambile izafika lapho eyakhona.”

Kusenjalo umongameli Cryril Ramaphosa umemezele ukuthi owangengusomlomo wephalamende unkosikazi Baleka Mbethe lowayengumphathintambo umnumnzana Sydney Mufamadi bazalubhekisa kweleZimbabwe maduzenje, besiyakuba ngomlamulankunzi kwezamalungelo oluntu aqhubeka eZimbabwe.

please wait

No media source currently available

0:00 0:02:42 0:00

Facebook Forum

XS
SM
MD
LG