amalinks wokungena

Breaking News

Abantu Bafuna Ibandla leZanu PF Linike Izabelo Imvumo Yokuzibusa


Umlandeli webandla leZanu PF.

Izakhamizi zako Bulawayo zimelele ukuzwa okuzaphuma emhlanganweni webandla leZanu PF owe Congress.

Abanye bathi bafisa ukuthi umhlangano lo uthathe isinqumo sokuthi izabelo zibelozibuse njengalokho okumumethwe yisisekelo sombuso welizwe leZimbabwe.

Abanye abantu abakhulume lomsakazo weStudio 7 bathe kuyingcosana okuzaphuma emhlanganweni lo ngoba ibandla le Zanu PF alidlelani kahle labantu beMatabeleland kanye leNkabazwe.

Umqondisi wenhlelo kunhlanganiso elwela amalungelo oluntu eAbammeli Human Rights, uMnu. Tineyi Mukwehwa, uthe ukhangelele ukuthi umhlangano lo uthinte udaba lombuso wezabelo.

Banengi abantu abalombono onjengo kaMukwehwa loba abanye bethandabuza ukuthi umhlangano lo uzasungula uzulu ebunzimeni abhekane labo.

Ingcwethi zombusazwe zithi uzulu uthiye indlebe emelele ukuzwa ukuthi uMnangagwa uzabenzelani.

Eyinye yengcwethi lezi, uMnu. Effie Ncube, uchaze ukuba abantu bakhengelele ukuthi kwethulwe umbuso wezabelo, ukukhumisana umlotha ngodaba lombhuqazwe weGukurahundi kanye lokuthi bathole imisebenzi.

Umongameli webandla leMthwakazi Republic Party, uMnu Mqondisi Moyo, uthe akulalutho olubambekayo abalukhangeleleyo njalo umbuso wezabelo awungeke wavunywa libandla elibusayo.

Facebook Forum

XS
SM
MD
LG