amalinks wokungena

Breaking News

Bahuga Uzulu Ngekhonsathi Ukuthi Ebhalisele Ukuvota


Abekomishini yezokhetha bebhalisa abantu abafuna ukuvota kukhetho oluzayo ekhonsathini eqhutshelwe eLarge City Hall koBulawayo ngoMgqibelo.

Inhlanganiso ekhankasela amalungelo abesifazana, iWomen’s Institute for Leadership Development iqoqe ikhonsathi yezokholo koBulawayo ngoMgqibelo ngejongo yokuhuga uzulu ukuthi ebhalisele ukuvota.

Ikhonsathi le yenzelwe eLarge City Hall njalo ingenwe zinkulungwane zabantu asebabhalisela ukuvota.

Ababhalisayo laba yibo bodwa ekade bevunyelwa ukungena besebenzisa amaphetshana aphiwa abantu bengabhalisa (ama-receipts.

Bekulendawo njalo yokubhalisa eCity Hall lapho umuntu obethi engabhalisa ebesevunyelwa ukungena egigini leli.

Usikomitshi weZEC, uMnu Qhubani Moyo uncome inhlanganiso yeWomen’s Institute for Leadership Development ngokuqhuba loluhlelo.

“Kuhle kakhulu okwenziwe ngalinhlanganiso ngoba siyabona ukuthi abantu baze ngobunengi babo,” kutsho uMnu Moyo.

Ilunga ledale lephalamende lakoBulawayo elingene likhonsathi, uNkosazana Nomvula Mnguni uthe uyajabula kakhulu ngenani labasakhulayo asebebhalisile wakhuthaza ukuthi abangakabhalisi benze njalo.

“Ontanga banengi kakhulu njalo ngiyabona ukuthi bayakholisa. Benze kuhle njalo ngokufaka uhlelo lwama-proof of residence,” kutsho uMaMguni.

UMqondisi weWomen’s Institute for Leadership Development, uNkosazana Samukeliso Khumalo uthi uhlelo lolu basazoluqhuba njalo eMatabeleland South leNorth bekhuthaza abangakabhalisi ukuthi bebhalise.

Abaculi abaphatheke ekhonsathini le bagoqela uNceku, iGospel Unplug, iWomen of Valour kanye lomhlabeleli waseSouth Africa olodumo uLebo Sekgobela.

please wait

No media source currently available

0:00 0:01:51 0:00

Facebook Forum

XS
SM
MD
LG