amalinks wokungena

Breaking News

Abantu Bakhala Kakhulu Besithi Akulazibuse Kwele Zimbabwe


Abanengi bathi owayengumongameli uMnu. Robert Mugabe wabhidliza ilizwe leZimbabwe labanye bakhe kubandla elibusayo ele Zanu PF.

Annastacia Ndlovu

Ezinye izakhamizi zeHarare zithi azilalutho ezingalutsho ngemikhosi yokunanza uzibuse ekhona ngoLwesithathu ngoba inengi lazo azikaboni ubungcono bombuso weZANU PF kusukela ngo 1980.

Kodwa kulezinye ezithi lelilanga kumele liqakathekiswe ngoba abalwa impi yenkululeko banikela impilo yabo ukuze abantu abansundu bazibuse.

Esinye salabo abangela abakukhangeleleyo ngalolusuku ngosakhulayo, uMnu. Trevor Gumbo, othi abalwa impi yenkululeko yibo asebewone ilizwe bephatha uzulu butshapha njalo besala ukusuka ezikhundleni.

Umkhokheli weNational Patriotic Front, uMnu. Ambrose Mutinhiri, yena uthe ilanga leli ulibona lingelokukhumbula ukuzinikela kwabalwela inkululeko yeZimbabwe okungamelanga kuphazanyiswe ngokwenzakala elizweni okwamanye.

Ingcitshi yezombusazwe, uMnu. Richard Mahomva, uthe lilanga elinika uzulu isikhathi sokukhumbula lapho avela khona lokuzinikela okwenziwa ngabalwela uzibuse.

Osakhulayo, uNkosikazi Thandeka Mabhena, uthe uzibuse wabatsha usasekhatshana njalo lelilanga alitsho lutho kuye.KoBulawayo, abantu baveze njalo imibono eyehlukeneyo ngosuku lokuthakazelela uzibuse.

Udaba Esilethulelwe NguGibson Bhebhe
please wait

No media source currently available

0:00 0:03:29 0:00

NgoLwesithathu abantu bakhangelelwe ukuyabuthana enkundleni yeWhite City Stadium koBulawayo lapho umphathintambo wedolobho lakoBulawayo, uNkosazana Angeline Masuku, akhangelelwe ukwethula udaba oluqakathekileyo lukaMongameli Emmerson Mnangagwa lokunanza ilanga likazibuse.

Abezomvikela, abasakhulayo labaculi abehlukeneyo bakhangelelwe ukudlala imidlalo eyehlukeneyo yokujabulisa uzulu.

Abachothoza osokwenziwe libandla leZanu PF bagoqela uMnu. Greater Sibanda, isikhulumeli sikaMnu. Raphael Khumalo othi useyinkosi yesizwe sika Mthwakazi.

USibanda uthi njengo Mthwakazi kunzima ukuthi lelilanga balijabulele ngoba lokhe bephila nzima ukwedlula lasembusweni umbuso wabahuquluzi benotho.

Umqoqi jikelele wenhlelo webandla lePeople’s Democratic Party, uMnu. Sengezo Tshabangu, uvumelane loSibanda esola umbuso webutho ethi ayisikho abakukhangeleleleyo ukuthi libuse.

Isikhulumeli seZAPU, uMnu. Iphithule Maphosa, yena uthi ilanga likazibuse sekuligama kuphela abantu abalalutho abangalubamba.

Isakhamuzi sakoBulawayo, uNkosazana Hellen Mpofu uthi akula okokujabulela ngaleli langa angakutsho yikukhuthaza abantu ukuba abaphume bayebhalisela ukuvota ukuze bazikhulule ebuqgilini obukhona.

Udaba Esilethulelwe NguAnnastacia Ndlovu
please wait

No media source currently available

0:00 0:03:31 0:00

Kudaba olufanayo, Uhulumende uthi ukhathazekile ngokukhphuka kwesilinganiso sabantwana abaqhubeka behlukunyezwa ngendlela ezehlukeneyo okubalisa ukudlwengulwa.

Umongameli Emmerson Mnangagwa utsho lamazwi esethula umbiko wakhe emkhosini wedili alenzele abantwana enkundleni eye City Sports Centre, eHarare, wokwandulela usuku lokunanza ilanga likazibuse weZimbabwe.

Abantwana besikolo abevele ezigabeni ezilitshumi zelizwe, bamukele ngenjabulo enkulu ukufika kuka Mnangagwa enkundleni, ekhatshwe ngumkakhe uNkosikazi Auxillia Mnangagwa kanye leziphathamandla zikahulumende.

UMnangagwa uthethe lelithuba ukuxwayisa abazali ukuba banakekele abantwana ukwenqabela ukuhlukumezwa kwabo.

Esinye seziphathamandla kugatsha lwezemfundo, uMnu. Paul Damasani, ugcizelele amazwi kaMnangagwa esithi akumelanga abantu bephule ilungelo Labantwana.

Abantwana bakhuthazwe ukuthi bangalele labo ababahlukumezayo ngendlela ezehlukeneyo, ebadaleni lasemapholiseni, kungelani lokuba ngubani okwenzileyo lokho.

Uhulumende yena uthi uzodlala indima yakhe, ekuvikeleni abantwana ngendlela ezehlukeneyo ikakhulu imithetho yelizwe.

Udaba Esilethulele NguMavis Gama
please wait

No media source currently available

0:00 0:02:05 0:00

Facebook Forum

XS
SM
MD
LG