amalinks wokungena

Breaking News

Bakhathazekile Abalandeli beMDC-T Ngengxabanxoza Ekubandla Leli


MDC-T

UNkosazana Thokozani Khupe nguye owavotelwa emhlanganweni omkhulu we MDC-T ukuba ngumsekeli kamongameli webandla kodwa umkhokheli webandla, uMnu. Morgan Tsvangirai, wamangalisa abanye ngokukhetha uMnu. Nelson Chamisa loMnu. Elias Mudzuri ukuthi babe ngabasekeli bakhe.

Abanye bathi ukunganiki uKhuphe ithuba lokukhokhela kubangelwa lubandlululo lokuthi ngowe SiNdebeleni njalo ngowesifazane.

Amanye amalunga awebandla le MDC-T athi azayekela ukuvotela ibandla leli ngenxa yokulwisana lokhu langenxa yokubandlululana ngomhlobo osekukhanya kusegcekeni. Abanye bathi bazavotela ibandla leli ngoba befuna ukuthi iZANU PF ingabusi hatshi ngoba iMDC ingcono.

Ekhuluma lentathelizindaba yeStudio 7 osakhulayo, uRonald Moyo, uthe ukubandlulula ngomhlobo okukubandla leMDC-T sokutshengise ukuthi akusela mehluko phakathi kwe MDC leZANU PF njalo yikho okuzenza yena engavoteli lelibandla.

Lokhu kugcizelelwe ngomunye njalo umsekeli webandla leli, uMnu. Thembani Sibanda, othe banengi abantu ezabelweni zonke zeMatabeleland leNkabazwe abangaphatheki kahle ngodaba lolu.

Omunye osakhulayo, uMarshall Bwanya, uthe ukulwisana okuphakathi kwalelibandla langokwehluleka ukuvuma ukuthi uMnu. Tsvangirai kasenelisi ukukhokhela yikho okuzenza yena engalivoteli lelibandla.

UNkosazana Princess Dube laye uthe uMnu. Tsvangirai wayelwela intuthuko yabantu kodwa laba asebesele abalani lozulu yikho engasoze evotele lelibandla eliphikisayo.

Ingcwethi kwezombusazwe, uMnu. Leopold Munhende, uthe ukuvotela iMDC-T akutsho ukuthi ingcono njengoba ihle yatshengisa ububi bayo kumaviki amathathu adluleyo kodwa uzakwenzela ukuthi kasafuni kubuswa yiZANU PF.

Ibandla leMDC-T liphatheke ngodaba lozabe ebambe isihlalo sikamongameli wabo uMnu. Tsvangirai lo okwele SouthAfrica esibhedlela lapho ayelatshwa umkhuhlane wemvukuzane.

Okwamanje uMnu. Elias Mudzuri loMnu. Nelson Chamisa bathi yibo asebekhokhela lelibandla osekuhlukumeze amalunga abo athi abasakwazi ukuthi ibandla likhokhelwa ngubani.

Osakhulayo, uNkosazana Sithandweyinkosi Thebe, uthe uChamisa loMudzuri badlala amadlwane bekhohlwa ukuthi ukhetho solufika.

Unobhala jikelele wenhlanganiso yabafundi eyeZINASU, uMnu. Ashleigh Pfunye, uthe okwenzakala kubandla leMDC-T akumangalisi njalo yena uzavotela iMDC.

Ukudonselana amandla lokhu sokutshiye ibandla le Zanu PF lilethuba lokungqoba okungakaze kubonakale kukhetho oluzayo.

please wait

No media source currently available

0:00 0:06:08 0:00

Facebook Forum

XS
SM
MD
LG