WASHINGTON DC —
Ilitshe lesikhumbuzo sabantu ababulawa yiGukurahundi elifakwe yinhlanganiso yeIbhetshu likazulu eBhalagwe lidilizwe ngabantu abaliquphule ngento edubuke njengebhombha yethusa izakhamizi ngoLwesibili.
Linhlanganiso ifake ilitshe leli ngoMfumfu ngemva kokuntshontshwa kwamanye amatshe eyayiwafake endaweni efanayo lapho okwabulawelwa khona abantu abanengi libutho leFifth Brigade.
Lanxa kungakaziwa ukuthi ngobani abenze lesi siga, umqondisi weIbhetshu Likazulu uMnu Mbuso Fuzwayo utshele iStudio 7 ukuthi banakanela uhulumende.
Isikhulumeli samapholisa uMnu Paul Nyathi yena othe ubengeke akhulume ngoba ubephathekile.