amalinks wokungena

Breaking News

Balima Okumangalisayo Abesifazana koBulawayo


Abanye abalimi besifazana.
Abanye abalimi besifazana.

Abesifazana bakoBulawayo, abalima izivande ngokuthelezela phansi kohlelo lweZimbabwe Development Democracy Trust luphathiswa ngemali yenhlanganiso yeGlobal Development Group leSally Foundation, bathi impilo yabo isikhuphukile.

Okunye okulinywa koBulawayo.
Okunye okulinywa koBulawayo.

Bathi sebesenelisa ukuphilisa imuli zabo ngemva kokuthengisa izilimo zabo.

Ukulima kwabo bethengisa edolobheni lakoBulawayo kuqhubekela phambili ngendlela ebukekayo.

Abesifazana sebethola ukufunda inhlelo zokulima, ukupheka ijamu, ukufuya inkukhu lokunye osekulethela inzuzo imuli eziswelayo kunye lakubafelokazi.

UNkosikazi Gladys Mpofu, olima eSizinda Gardens kuWard 21, uthe impilo yakhe isikhuphukile ngenxa yokulima ethelezelwa ngamanzi adonswa ngempompi ezisebenzisa Amandla elanga.

Esivandeni seSizinda ixuku labesifazana lifuya inkukhu ngemva kokuhlanganisa imali yenzuzo abayithole ekuthengiseni izilimo.

Omunye wabafuya inkukhu njalo elima, nguNkosikazi Agnes Phiri.

Elokitshini leEPumula South kuWard 27, uNkosikazi Simbisayi Ndlovu, uthi umsebenzi uqhubeka kuhle sibili udubo nje yikuswela abathengi, lamasela abathwalele ubhulo.

Amanzi ahlupha abanye abalimi koBulawayo.
Amanzi ahlupha abanye abalimi koBulawayo.

UNkosikazi Priscilla Dube, olima kuWard 19, ulime amatamatisi le-beetroot. Yenake ukhala ngohlupho lwamanzi.

Omunye njalo osebenzela kuWard 9, uNkosikazi Jerritta Siziba, uthe ngaphandle kokulima uyathola njalo ithuba lokupheka ijamu athengise.

Banengi abanye abalima okutshiyeneyo.

XS
SM
MD
LG