amalinks wokungena

Breaking News

Balungiselela Ukugcotshwa Kwenkosi yamaNdebele uBulelani ngoMbimbitho, Abanye Beveza Enye Njalo Kuliviki


Amalungiselelo okugcoba inkosi yamaNdebele kwele South Africa.

Izinduna zakweleMandebeleni sezikhuthaze abeZimbabwe abahlala kweleSouth Africa ukuthi bazilungiselele njalo beze emkhosini wokugcotshwa kweNkosi yaMaNdebele uBulelani Lobhengula Khumalo ozagcotshwa mhlaka 3 Mbimbitho enkundleni ye Bourberfields koBulawayo. Induna lezi ziqhube umhlangano labeZimbabwe laba eJohannesburg.

Enkulumeni yazo lezizalwane zeZimbabwe ezidabuka kweleMandebele, ebezithe egwaqa embuthanweni obizwe zinduna lezi eBerea park eJohannesburg ngempelaviki, iqula lezinduna zakweleMandebeleni lithe akubuyeli emuva ukugcotshwa kwenkozi yaMandebele uBulelani Lobhengula Khumalo.

Obekhokhela leli qula unduna Nhlanhlayamangwe Ndiweni ophethe endaweni yeNhlambabaloyi eNtabazinduna, uthe umkhosi wokugcotshwa kwenkosi uzaqala mhlaka 2 Mbimbitho eMhlahlandlela, okuyiyo eyayiyisigodlo senkosi uMzilikazi.

Laphake uthi kuzabe kusenziwa isintu, imikhuba, imigido lemithanithani yesiko laMandebele.

Kuzakuthike mhlaka 3 ngelanga elilandelayo kube yilo ilanga elikhulu . Laphoke izagcotshwa khona inkosi, ivezwe emphakathini lebutho layo, yethule inkulumo yayo bese kusiba yisikhathi sokujabula esigoqela ibhola lenkezo yenkosi.

Lidili elizatshintsha umumo wonke endaweni yethu lomumo khonapha. Izanyathela okwacina khona uLobhengula inkosi yakithi. Ngikhuluma 124 years ago. Kwenza ukuthi umuntu wonke abone ukuthi uMthwakazi ukhona.

Isizalwane seZimbabwe umnumnzana Beven Tshuma uthi ngemva kweminyaka eminengi isizwe saMandebele singumhlambi kazelusile, bezwa befudumala ukuzwa ukuthi sebezakuba lenkosi yabo.

Thina njengabantu beSindebeleni sidinga umuntu oyinkokheli, umuntu onguye ohlanganisa abantu. Ngalokhoke ngicabanga ukuthi inkosi iqakatheke kakhulu ngoba izokwazi ukuhlanganisa isizwe, abantu beMandebele bakwazi ukusukuma njalo bakhulume ngezwi eli yi 1, bakhulume benamandla njalo.

Esekhuluma ngokuthi kambe alesiqiniseko esingakanani amaKhumalo ukuthi inkosi uBulelani nguye kanye okufuze athathe isihlalo enkosini uLobhengula, umnumnzana Ayanda Khumalo uthi imbali yakhe icace bha.

Simi kumntanenkosi, iCrown Prince, izinyane lesilo, uBulelani Collen Lobhengula Khumalo, NgokaHumprey Mncedisi, kaFane Boyd, kaRhodes Mphango ifounder yeHighlanders, kaNjube, wenkosi uLobhengula kaMzilikazi kaMatshobana.

UKhumalo uthi abantu abafana leNkosi uTshuma ozithi nguye inkosi yaMandebele kusobala ukuthi bazisikelela ehwahweni.

Bekuvele kungahlola ukuthi after 124 years, kungabi labazibizayo abafuna ukuthatha ama chance labo bazingenise. Kodwa induna zakithi akelizikhangele ukuthi zonke zimi ngaphi. ZikuBulelani Collen Lobhengula Khumalo. Sonke lathi amaKhumalo silapho.

Induna uNdiweni uthi kuzakuba lamabhasi azasuka eJohannesburg ethwele labo abafuna ukuyakuba yingxenye yomkhosi wokugcotshwa kwenkosi.

please wait

No media source currently available

0:00 0:01:40 0:00

Kunjalo nje, ukugcotshwa kuka bulayana kuza ngesikhathi kuqoqwa ukuvezwa kwenye njalo inkosi yamandebele kuyonale impelaviki. Le izakuba ngeyesithathu inkosi kulandela ukugcotshwa kukaMnu. Stanley Raphael Khumalo owagcotshwa ngomnyaka odluleyo.

Isendo lakoMzilikazi alivumelani ukuthi onguye inkosi sibili ngubani.

UChris Gande weStudio Seven uxoxe loMnu. Zwidekalanga Khumalo ngokuvezwa kwenkosi ngoMgibelo.

please wait

No media source currently available

0:00 0:01:40 0:00

Facebook Forum

XS
SM
MD
LG