HARARE —
Umqondisi wohlelo lokuphathisa ontanga ukusungula amabhizimusi olweCabs Youth Fund uthi balutshwane kakhulu ontanga abafake izicelo zokuphathiswa ngemali phansi kwaloluhlelo.
Esipha ubufakazi phambi kwekomidi yedale leSenate ngoLwesine, uMnu Brian Mpofu wazise ukuthi phakathi kwezigidi ezilitshumi ezikhangelelwe ukwabela abasakhulayo, iCabs siyabe izigidi ezimbili lasikhombisa $3.7 million kuphela.
Uveze ukuthi kwezinye izigaba zelizwe akula ngitsho loyedwa ofake amaphepha ecela limali. Wengeze wathi kunengi lezicelo asebezibonile kunengi okusilelayo kuma-Project Proposals, okwenza kube nzima ukuthi baphiwe uncedo abaludingayo.
UMnu Mpofu uthe ngalokhu, inengi labasakhulayo lifuna ukuqala lithole imfundiso eqinileyo kwezokusungulwa kwamabhizimusi kanye lokuqhelisa abalawo.
Kubikwa kulabanye abacele uncedo phansi kwalesisikhwama kodwa bancitshwa ngoba sebedlule iminyaka yokuzalwa engaphezu kwamatshumi amathathu lanhlanu, 35.
UMpofu wengeze wathi phakathi kwezicelo abazitholileyo, isilinganiso samatshumi amathathu lantathu ekhulwini sivele kwabesifazane kuthi isilinganiso samatshumi ayisithupha lasithupha sivele kubontanga besilisa.
Ukuhlaziya udaba lwesikhwama seCabs Youth Fund lesi, ukuthi kungani bebalutshwana abasakhulayo abafake izicelo zokudinga imali kiso ikakhulu ontanga besifazana iStudio 7 ixhume isiphathamandla seYouth in Mining Council of Zimbabwe uMnu Buletsi Nyathi loNkosazana Sinethemba Mlotshwa.
UMaMlotshwa uthi okwenza babebalutshwana abesifazana abadinga uncedo lwemali phansi kwesikhwama seCabs Youth Fund yikuthi inengi labo kalilalwazi olwaneleyo.
Esipha ubufakazi phambi kwekomidi yedale leSenate ngoLwesine, uMnu Brian Mpofu wazise ukuthi phakathi kwezigidi ezilitshumi ezikhangelelwe ukwabela abasakhulayo, iCabs siyabe izigidi ezimbili lasikhombisa $3.7 million kuphela.
Uveze ukuthi kwezinye izigaba zelizwe akula ngitsho loyedwa ofake amaphepha ecela limali. Wengeze wathi kunengi lezicelo asebezibonile kunengi okusilelayo kuma-Project Proposals, okwenza kube nzima ukuthi baphiwe uncedo abaludingayo.
UMnu Mpofu uthe ngalokhu, inengi labasakhulayo lifuna ukuqala lithole imfundiso eqinileyo kwezokusungulwa kwamabhizimusi kanye lokuqhelisa abalawo.
Kubikwa kulabanye abacele uncedo phansi kwalesisikhwama kodwa bancitshwa ngoba sebedlule iminyaka yokuzalwa engaphezu kwamatshumi amathathu lanhlanu, 35.
UMpofu wengeze wathi phakathi kwezicelo abazitholileyo, isilinganiso samatshumi amathathu lantathu ekhulwini sivele kwabesifazane kuthi isilinganiso samatshumi ayisithupha lasithupha sivele kubontanga besilisa.
Ukuhlaziya udaba lwesikhwama seCabs Youth Fund lesi, ukuthi kungani bebalutshwana abasakhulayo abafake izicelo zokudinga imali kiso ikakhulu ontanga besifazana iStudio 7 ixhume isiphathamandla seYouth in Mining Council of Zimbabwe uMnu Buletsi Nyathi loNkosazana Sinethemba Mlotshwa.
UMaMlotshwa uthi okwenza babebalutshwana abesifazana abadinga uncedo lwemali phansi kwesikhwama seCabs Youth Fund yikuthi inengi labo kalilalwazi olwaneleyo.