Indlala iqhubeka ihlasela ngamandla endaweni ezitshiyeneyo zelizwe ezigoqela eKariba lapho okulenani eliphezulu kakhulu labantwana asebecake okwedlulisileyo.
Inhlanganiso yeUnited Nations ebona ngempilakahla yabantwana iUNICEF ilakho ukuhlenga abantwana laba ngemva kokuba iqula layo lethekelele ezibhedlela zalindawo lathola umomo umubi.
Intathelizindaba ezihambe lequla leli zifakazele iStudio 7 ukuthi zibone abantwana abacake angani balomkhuhlane wekwashiorkor.
IUNICEF ngenye yenhlanganiso eziphatheke empini yokulwisana lendlala eZimbabwe.
Ezinye zigoqela iWorld Vision leWorld Fod Program (WFP), yona ephiwe imali engange $20 million yiUSAID ngeviki edluleyo. Imali le izasetshenziswa ukuphandela abalambayo.
Isakhamuzi seKariba uMnu Zebron Masuku uthi lanxa izulu lingaze line kuhle, isigaba sabo asivamanga ukuba lokudla ngoba ayisiyondawo yokulima.
Abanengi baphila ngokugola inhlanzi basuke bezithengise.
"Ngelanga mina ngibamba inhlanzi ezifika i5kg kumbe i10 kg," kutsho uMasuku.
"Ngingazithengisa ngithola okuyi$15 ngithenge lami ukudla. Kodwa lakho kunzima ngoba ekupheleni kwenyanga ikhansili layo iyabe ifuna umthelo we$30.
