amalinks wokungena

Breaking News

Bathukuthele Abantu Phezu kweRobert Gabriel Mugabe University


Ukusungulwa kwekolishi leRobert Gabriel Mugabe University nge$1 billion sokuchothozwe nguzulu yena othi uhulumende udlalisa imali evele ingekho.

Idale labaphathintambo eleCabinet lipasise uhlelo lokwakhiwa kwalelikolitshi esigabeni seMazowe eMashonaland Central ngoLwesithathu.

Umphathintambo wezemfundo yaphezulu uMnu Jonathan Moyo uthi baphe ikolitshi leli igama likaMugabe ngenjongo yokumhlonipha.

Wengeze wathi ikolitshi leli lizaqakathekisa izifundo zeScience, Technology, Engineering leMathematics (STEM).

Kodwa abamabandla aphikisayo kanye lozulu, ikakhulu owakoBulawayo, bathi lokhu yikutshaphaza imali kahulumende.

Bathi ngabe limali isetshenziswe ukuthuthukisa amaUniversity avele ekhona angakapheli ukwakhiwa afana leNust koBulawayo kanye leLupane University.

“UMugabe sowathatha abantu beZimbabwe wabenza abakhe, yikho nje esesakha iUniversity ebizwa ngegama lakhe edlalisa nje imali kahulumende," kutsho umqoqi wenhlelo zebandla leMDC elikhokhelwa nguMnu Welshman Ncube uNkosazana Rita Ndlovu.

please wait

No media source currently available

0:00 0:02:11 0:00

Facebook Forum

XS
SM
MD
LG