amalinks wokungena

Breaking News

Bathwele Nzima Abesifazana beZimbabwe Abaswela Imisebenzi eSouth Africa


Abesifzana abayizizalwane zeZimbabwe abahlala kwele South Africa.

Abesifazana beZimbabwe kwele South Africa babhekane lobunzima obukhulu ngenxa yokoma kwezomnotho lempilo kazulu.

Lokhu kuphume embuthanweni wabomama beZimbabwe abebethakazelela ilanga labo mama eHilbrow eJohannesburg. Kodwa inhlanganiso ye Zim Imbokodo elwela intuthuko yabesifazana ikhuthaza omama laba ukuthi basungule inhlelo zamabhizimusi amancane hatshi ukumelela ukuqatshwa.

Bebethe gwaqa eHilbrow eJohannesburg abesifazana beZimbabwe benanza ilanga labo elinanzwa minyaka yonke mhlaka 9 Ncwabakazi kwele South Africa.

Abesifazana abakhuluma embuthanwenilo oqoqwe yinhlanganiso yeZim Imbokodo bathe ukusilela kwemisebenzi yilo uhlupho olukhulu ababhekane lalo.

Abanye bathi lasempilweni yansuku zonke balenhlupho ezitshiyeneyo njengoba bona bengatholi usizo kuhulumende okulusizo oluphiwa omama bakwele South Africa. Umgcinisihlalo weZim Imbokodo, uNkosazana Victress Mathuthu, utshele omama abebekulo umhlangano ukuthi bengachithi isikhathi esinengi bedinga imisebenzi kodwa baqale imisebenzi yezandla lamabhizimusi amancane.

“Injongo esifuna ukuyitshela omama yikuthi bazifundise ukuthi babe lamabhizimusi, bazithuthukise bona ngokwabo loba bengafundanga benjalo. Iphupho lakho olalo lingafezeka loba kanjani. Loba yini ofisa ukuyenza, so long nje uzama, ungumama uzethembe usebenzisane labanye omama udinge usizo lapho oludinga khona ukuze ufezekise amaphupho akho.”

Abanye omama bebekhala ngokuswela amaphepha asemthethweni okuhlala elizweni kanye lohlupho nxa befuna ukudingela abantwababo amaphepha okufunda kweleSouth Africa okwenza bacine sebefunda ezikolo ezilohlonzi lwemfundo oluphansi. Abanye ngabathi bayahlukunyezwa ezindlini kanti abanye bakhala ngobuyanga njengoba bengayitholi imali yosizo kuhulumende wakweleSouth Africa.

Kodwake omunye wabomama beZimbabwe, uNkosikazi Nomazwe Dube, uthi impilo yemazweni idinga ukuthi omama bahlakaniphe.

“Sikhuthazana ngokwenza imisebenzi yezandla, ngokuphakamisana ngokuloba inkondlo, ingwalo, ukuthi sikwazi nathi ukuziphathisa emsebenzini yezandlanje singomama ngoba awukwazinje ukuhlalela izandla ma ungumama.”

Umculi weZimbabwe wezokholo odumileyo, uTholakele Ndlovu, odume ngelithi Sis’tho, laye ngomunye obekulo umkhosi. Yena uthi okuzasiza omama kuphela emazweni yikuhlangana ndawonye njengalokhu okwenziwe yinhlanganiso ye Mbokodo ukuze bahlanganise amakhanda bekhande amacebo empilo.

“Njengobana sihlangane nje thina siye sakubona ukuthi singomama singabopha ulutho luphumelele, ubonisane labanye omama. Ungakhala kuphela usendlini ayikho into engaphumelela. So ma sibanengi siyabe sibonisana omunye ethi bambala omuthi athi bambala. Asifundeni ukuthi sibambe indimale sindawonye singomama ukwenzela ukuthi sibe lekusasa elihle sibancedise phela omkethu emakhaya.”

UNkosazana Mathuthu uthi inhlanganiso ye Zim Imbokodo iphakathi kokukhulumisana lamankampani angafundisa omama laba imisebenzi yezandla lalawo angenelisa ukuqatsha omama abalamakhono athize.

Udaba Esilethulelwe NguBenedict Nhlapho
please wait

No media source currently available

0:00 0:03:10 0:00

Facebook Forum

XS
SM
MD
LG