Ikhomithi yedale leCongress kwele Melika ebona ngokwenzakala kwamanye amazwe eyeU.S. Senate Foreign Relations Committee itshayela ihlombe ilizwe leSouth Africa ngokuqhuba ukhetho olubalulekileyo.
Abakukhomithi le bagoqela uMnu. Chris Coons okubandla lama Democrats labanye bakhe - uMnu. Cory Booker loMnu. Tim Kaine. Ibandla lama Republicans limelwe nguMnu. Todd Young loMnu. James Risch.
Bathi ukhetho olwenziwe kwele South Africa luveza ukuthi ilizwe leli lokhu liqhuba okwakufiswa ngabalwisana lenkethabetshabi yabamhlophe.
Bathi bazasebenza kahle lohulumende kaMongameli Cyril Ramaphosa ukwenzela ukuthuthukisa amazwe womabili kanye lokuqinisa ubudlelwano belizwe leSouth Africa lele Melika.
Ilizwe leSouth Africa lathi likhululeka ngomyaka ka1994 labuswa ngumuyi uNelson Mandela.
Facebook Forum